Monday, February 17, 2025
HomeGeneralનડિયાદમાં 5 લોકોના રહસ્યમયી મૃત્યુનું કોકડું ગૂંચવાયું, પોલીસ તપાસનો ધમધમાટ શરૂ

નડિયાદમાં 5 લોકોના રહસ્યમયી મૃત્યુનું કોકડું ગૂંચવાયું, પોલીસ તપાસનો ધમધમાટ શરૂ

- Advertisement -

નવજીવન ન્યૂઝ. નડિયાદ: Kheda Syrup Tragedy Kand: એકાએક કોઈ સ્વસ્થ વ્યક્તિનું મૃત્યુ થઈ જવું વિચિત્ર બાબત છે અને તેમાં પણ જ્યારે એકથી વધારે લોકો રહસ્યમયી રીતે મોતને ભેટે ત્યારે કઈક અજુગતું થયું હોવાની પ્રતિતી થાય છે. એવામાં નડીયાદમાં (Nadiad) આવેલા બે ગામોમાં બે દિવસમાં જ 5 લોકો રહસ્યમયી રીતે મોતને ભેટવાના સમાચાર સામે આવતા હાહાકાર મચી ગયો છે.

પ્રાપ્ત માહિતી અનુસાર, ખેડા (Kheda) જીલ્લાના નડિયાદમાં આવેલા બિલોદરા ગામના 3 વ્યક્તિઓનું મૃત્યુ થયું છે. બીજી બાજુ મહુધાના બગડું ગામે પણ બે વ્યક્તિઓના શંકાસ્પદ મૃત્યુ થયા છે. તેમજ બીજી એક વ્યક્તિની હાલત પણ ગંભીર છે અને હાલ સારવાર માટે હોસ્પિટલમાં ખસેડવામાં આવી છે. ઘટનાને લઈ નડિયાદ પોલીસ LCB અને SOGએ સાથે મળીને તપાસ શરૂ કરી છે. મૃત્યુ પામેલા ૫ લોકો કયા કારણથી મૃત્યુ પામ્યા છે તે જાણવા માટે મૃતદેહોને પોસ્ટમોર્ટમ માટે મોકલવામાં આવ્યા છે. પોસ્ટમોર્ટમ બાદ જ મૃત્યુનું સાચું કારણ સામે આવી શકે છે.

- Advertisement -

ઘટના બાબતે કથિત રીતે આયુર્વેદિક સિરપ પીધી હોવાની વાત પણ સામે આવી છે. પરંતુ આ બાબતે તપાસ કરી રહેલી પોલીસ દ્વારા કોઈ પ્રકારની માહિતી આપવામાં આવી નથી. મૃતદેહોના પોસ્ટમોર્ટમ બાદ તેમજ FSL રિપોર્ટ આવ્યા બાદ જ મૃત્યુનું સાચું કારણ સામે આવી શકે છે. રહસ્યમયી રીતે થયેલા 5 લોકોના મૃત્યુ બાદ પોલીસ બીજા કોઈ લોકોને આ પ્રકારની કોઈ અસર થઈ છે કે કેમ તેની પણ તપાસ કરી રહી છે.

પ્રશાંત દયાળનાં છ યાદગાર પુસ્તકો

  1. લતીફઃ દારૂબંધીનું અર્થકારણ, કોમવાદનું રાજકારણ (કિંમતઃ રૂ.110)
  2. જીવતી વારતાઃ સૂતેલી સંવેદનાઓને ઢંઢોળતી સત્યકથાઓ (કિંમતઃ રૂ.150)
  3. 2002: રમખાણોનું અધૂરું સત્ય (કિંમતઃ રૂ. 150)
  4. શતરંજ : ક્રાઇમ થ્રિલર નવલકથા(કિંમતઃ રૂ. 500)
  5. દીવાલ : સાબરમતી જેલ સુરંગકાંડની સત્યઘટનાને સ્પર્શતી નવલકથા (કિંમતઃ રૂ. 300)
  6. નાદાન : એક કેદીના જીવનની સત્યઘટનાઓ ઉપર આધારિત નવલકથા(કિંમતઃ રૂ. 300)

પુસ્તકો મેળવવાનું સ્થળઃ બુક શેલ્ફ, સ્વસ્તિક ચાર રસ્તા, અમદાવાદ | પુસ્તકો ઘરે બેઠાં મેળવવા માટે ફોન/વોટ્સએપ સંપર્કઃ 98252 90796

Follow on Social Media
RELATED ARTICLES
- Advertisment -

Most Popular