નવજીવન ન્યૂઝ. નવી દિલ્હીઃ પેટ્રોલ અને ડીઝલની કિંમતોમાં સતત વધારો જોવા મળી રહ્યો છે. આ દરમિયાન જ્યારે યોગ ગુરુ બાબા રામદેવને એક પત્રકારે આ મુદ્દે સવાલ કર્યો તો તેઓ થોડા અસહજ દેખાતા હતા અને મીડિયાના કેમેરા સામે પોતાનો મિજાજ ગુમાવતા જોવા મળ્યા હતા. આ સમય દરમિયાન તે પત્રકાર પર ગુસ્સે થઈ ગય હતા અને પત્રકારને ધમકાવતા જોવા મળ્યા હતા. હરિયાણાના કરનાલમાં એક કાર્યક્રમ દરમિયાન એક પત્રકારે બાબા રામદેવને મીડિયામાં તેમના એક નિવેદન વિશે સવાલ કર્યો હતો જેમાં તેમણે કહ્યું હતું કે લોકોએ એવી સરકાર પર વિચાર કરવો જોઈએ જે 40 રૂપિયા પ્રતિ લિટર પેટ્રોલ અને 300 રૂપિયા પ્રતિ સિલિન્ડર એલપીજી સુનિશ્ચિત કરી શકે.
જેના પર રામદેવે કહ્યું કે, હા, મેં કહ્યું હતું, તમે શું કરી શકો છો? આવા પ્રશ્નો ન પૂછો. શું હું તમારા પ્રશ્નોના જવાબ આપવા માટે કોન્ટ્રાક્ટર છું, તમે જે કંઈ પણ પૂછશો અને હું તેનો જવાબ આપીશ? જ્યારે પત્રકારે ફરીથી સવાલ પૂછ્યો અને કહ્યું કે તમે બધી ટીવી ચેનલોમાં આવી બાઇટ આપી છે. તો રામદેવે પત્રકાર તરફ ઈશારો કરતા કહ્યું કે, મેં આપ્યું હતું અને હવે નથી આપતો. કરો, તમે શું કરશો? ચૂપ રહો. હવે આગળ પૂછવું યોગ્ય નથી. એક વાર કહી દીધું એટ્લે બસ. તમારે આટલી અસભ્યતા ન કરવી જોઈએ. તમે એક યોગ્ય માતાપિતાના સંતાન બનશો.
રામદેવે કહ્યું કે દરેક વ્યક્તિએ વધુ મહેનત કરવી જોઈએ. સરકારનું કહેવું છે કે, જો ઈંધણના ભાવ ઓછા હશે તો તેમને ટેક્સ નહીં મળે, તો તેઓ દેશ કેવી રીતે ચલાવશે? તમે સેનાને પૈસા કેવી રીતે આપશો, તમે રસ્તો કેવી રીતે બનાવશો? હા, ફુગાવો ઓછો થવો જોઈએ, હું કબૂલ કરું છું. પરંતુ વધુ મહેનત કરો. હું પણ સવારે ચાર વાગ્યે સંન્યાસી બનીને ઊઠી જાઉં છું અને રાત્રે દસ વાગ્યા સુધી કામ કરું છું.
બાબા રમદેવનું આ નિવેદન એવા સમયે આવ્યું છે કે જ્યારે 31 માર્ચ, 2022 ગુરુવારના રોજ દેશભરમાં છેલ્લા 10 દિવસમાં સતત નવમી વખત પેટ્રોલ અને ડીઝલ મોંઘા થયા હતા. ઓઇલ માર્કેટિંગ કંપનીઓએ આજે પેટ્રોલ અને ડીઝલ બંનેમાં લિટર દીઠ ૮૦ પૈસાનો વધારો કર્યો છે. આ પછી દિલ્હીમાં આજે પેટ્રોલનો રેટ 101.81 રૂપિયા પ્રતિ લીટર થઈ ગયો છે. તે જ સમયે, ડીઝલ 93.07 રૂપિયા પ્રતિ લિટર પર વેચાઇ રહ્યું છે, જે 93 રૂપિયાને પાર કરી રહ્યું છે.
जो कभी पेट्रोल डीजल ₹40 में दिलाने की बात करते थे आज वह पत्रकारों के सवाल पूछने पर भड़कते हुए नजर आ रहे हैं।#BabaRamdev pic.twitter.com/jmLgsBFK74
— javed_shahabuddin_official (@javeds_official) March 31, 2022
 |
 |
 |
સાર્થક પ્રકાશન દ્વારા પ્રકાશિત પ્રશાંત દયાળનાં ત્રણ યાદગાર પુસ્તકો
૧. લતીફઃ દારૂબંધીનું અર્થકારણ, કોમવાદનું રાજકારણ (કિંમતઃ રૂ.૧૧૦)
૨. જીવતી વારતા (કિંમત રૂ.૧૫૦)
૩. ૨૦૦૨ : રમખાણોનું અધૂરું સત્ય (કિંમત રૂ. ૧૫૦)
પુસ્તકો મેળવવાનું સ્થળઃ બુકશૅલ્ફ, સ્વસ્તિક ચાર રસ્તા, અમદાવાદ
98252 90796 પર ફોન કે વૉટ્સએપ મેસેજ કરીને પણ પુસ્તકો ઘરેબેઠાં મેળવી શકાય છે.
 |  |  |  |
