નવજીવન ન્યૂઝ.નવી દિલ્હીઃ ટાટા કન્સલ્ટન્સી સર્વિસિસ સાથે જોડાયેલા નાસિક યુનિટના કથિત ધર્માંતરણ અને યૌન શોષણ કેસમાં આરોપી નિદા ખાન હજુ સુધી પોલીસના હાથ લાગતી નથી. પોલીસ મુજબ, નિદા છેલ્લા એક અઠવાડિયાથી ફરાર છે અને તેની લોકેશન અંગે તેના પતિના નિવેદનોમાં વિરોધાભાસ જોવા મળી રહ્યો છે.
પોલીસે નિદા ખાનના પતિ મોઇન નવેદ ઇકબાલ ખાનની પૂછપરછ કરી હતી. શરૂઆતમાં તેમણે જણાવ્યું કે 14 એપ્રિલે નિદા ઘરેથી નીકળી ગઈ હતી અને એક સગાના ઘરે રહેતી હતી. પરંતુ પોલીસ જ્યારે તે સરનામે પહોંચી ત્યારે ઘર બંધ મળ્યું અને આસપાસના લોકોના મોબાઇલ પણ સ્વિચ ઓફ હતા.
પછી પતિએ પોલીસને નવી માહિતી આપતા જણાવ્યું કે નિદાને તેની મોસાળ તરફની સગાઈ નૂરી શેખ આ અઠવાડિયામાં નાસિક લઈ ગઈ હતી. જોકે, બાદમાં તેમણે એવું પણ કહ્યું કે હાલ તેમને નિદાની ચોક્કસ લોકેશનની માહિતી નથી.
પોલીસ હાલમાં અલગ-અલગ દિશામાં તપાસ કરી રહી છે અને આરોપીની શોધખોળ માટે વિવિધ સ્થળોએ દરોડા પાડી રહી છે.
માહિતી મુજબ, ટાટા કન્સલ્ટન્સી સર્વિસિસના નાસિક યુનિટમાં કાર્યરત નિદા ખાનને બે મહિના પહેલા મુંબઈના માલાડ અને હીરાનંદાની ઓફિસમાં ટ્રાન્સફર કરવામાં આવી હતી. આ દરમિયાન તેમના પતિને ઠાણેના મુમ્બ્રા વિસ્તારમાં આવેલી Amazon Web Servicesમાં નોકરી મળી હતી.
કેસ સામે આવ્યા બાદ TCS દ્વારા નિદા ખાનને સસ્પેન્ડ કરવામાં આવી છે. હાલમાં પોલીસ તેમની શોધમાં છે અને આગળની કાર્યવાહી ચાલુ છે.
 |  |  |  |
