નવજીવન ચંદીગઢ: કોરોનાનો નવા વેરિઅન્ટ ઓમિક્રોનના ભય વચ્ચે દેશમાં ફરી એકવાર કોરોના વાયરસના કેસ વધવા લાગ્યા છે. કેસને કાબૂમાં લેવા માટે વિવિધ રાજ્યોએ નિયંત્રણો લાગુ કરવાનું શરૂ કરી દીધું છે. હરિયાણા સરકારે રાજ્યની તમામ કોલેજો અને યુનિવર્સિટીઓને 12 જાન્યુઆરી સુધી બંધ રાખવાનો નિર્ણય લીધો છે.
જો કે, કોલેજ/યુનિવર્સિટીમાં સ્ટાફ હાજર રહેશે અને ઓનલાઈન વર્ગો નિયમિતપણે યોજાશે. આ નિર્ણય સતત વધી રહેલા કોરોનાના કેસને ધ્યાનમાં રાખીને લેવામાં આવ્યો છે.
હરિયાણાના ઉચ્ચ શિક્ષણ વિભાગે રવિવારે આ અંગે સત્તાવાર આદેશ જાહેર કર્યો હતો.
આદેશમાં કહેવામાં આવ્યું છે કે, “સરકારી અને ખાનગી કોલેજો અને યુનિવર્સિટીઓ 12 જાન્યુઆરી સુધી વિદ્યાર્થીઓ માટે બંધ રહેશે. જો કે, સ્ટાફ હંમેશની જેમ કોલેજ/યુનિવર્સિટીની આવવાનું ચાલુ રાખશે અને સંસ્થાના અધ્યાપકો દ્વારા સમય મુજબ ઑનલાઇન વર્ગો હાથ ધરવામાં આવશે. આચાર્ય ચેક કરશે કે વર્ગો નિયમિતપણે ઓનલાઈન થાય છે.”
આદેશમાં કહેવામાં આવ્યું છે કે, “માસ્ક પહેરવા અને રસીકરણ સહિતના તમામ કોવિડ પ્રોટોકોલનું કર્મચારીઓ દ્વારા કડકપણે પાલન કરવામાં આવશે. યુનિવર્સિટીઓમાં ભરતી પરીક્ષાઓ અને પ્રવેશ પરીક્ષાઓ ચાલુ રહેશે.”
વિદ્યાર્થીઓને હોસ્ટેલમાં રહેવાની છૂટ છે. જો કે, કોવિડ સંબંધિત નિયમો અને સામાજિક અંતરના નિયમોનું કડકપણે પાલન કરવાનું રહેશે.
રાજ્યમાં રવિવારે છેલ્લા 24 કલાકમાં હરિયાણામાં 577 નવા કોવિડ -19 કેસ નોંધાયા છે. આ સાથે રાજ્યમાં સંક્રમિતોની કુલ સંખ્યા વધીને 7,74,917 થઈ ગઈ છે. સક્રિય કેસોની સંખ્યા 2,400 છે. કોરોનાને કારણે કોઈ મૃત્યુ ન થવાને કારણે મૃત્યુઆંક 10,064 રહ્યો છે.
 |
 |
 |
સાર્થક પ્રકાશન દ્વારા પ્રકાશિત પ્રશાંત દયાળનાં ત્રણ યાદગાર પુસ્તકો
૧. લતીફઃ દારૂબંધીનું અર્થકારણ, કોમવાદનું રાજકારણ (કિંમતઃ રૂ.૧૧૦)
૨. જીવતી વારતા (કિંમત રૂ.૧૫૦)
૩. ૨૦૦૨ : રમખાણોનું અધૂરું સત્ય (કિંમત રૂ. ૧૫૦)
પુસ્તકો મેળવવાનું સ્થળઃ બુકશૅલ્ફ, સ્વસ્તિક ચાર રસ્તા, અમદાવાદ
98252 90796 પર ફોન કે વૉટ્સએપ મેસેજ કરીને પણ પુસ્તકો ઘરેબેઠાં મેળવી શકાય છે.
 |  |  |  |
