નવજીવન. નવી દિલ્હીઃ એરલાઈન કંપની એર ઈન્ડિયાની કમાન સંપૂર્ણ રીતે ટાટા ગ્રુપને સોંપવાની તૈયારી ચાલી રહી છે. આ દરમિયાન ટાટા ગ્રુપે યાત્રીઓની સુવિધા માટે એર ઇન્ડિયામાં પોતાનું પહેલું પગલું લોન્ચ કર્યું છે. ટાટા ગ્રુપ ગુરુવારે મુંબઇથી સંચાલિત થવા માટે ચાર ફ્લાઇટ્સમાં “અદ્યતન ખાદ્ય સેવા” શરૂ કરીને એર ઇન્ડિયામાં તેનું પ્રથમ પગલું ભરશે, એમ અધિકારીઓએ બુધવારે જણાવ્યું હતું. જો કે અધિકારીઓએ જણાવ્યું હતું કે ગુરુવારથી એર ઇન્ડિયાની ફ્લાઇટ્સ ટાટા ગ્રૂપના બેનર હેઠળ ઉડાન ભરશે નહીં.
આ પહેલા બુધવારે અધિકારીઓએ પીટીઆઈને જણાવ્યું હતું કે કેન્દ્ર સરકાર ગુરુવારે એર ઈન્ડિયા એરલાઈન્સને ટાટા ગ્રુપને સોંપી શકે છે. લગભગ 69 વર્ષ પહેલા આ ગ્રુપમાંથી એરલાઈન લીધા બાદ હવે તેને ફરીથી ટાટા ગ્રુપને સોંપવામાં આવી રહી છે.
અધિકારીઓએ સ્પષ્ટતા કરી છે કે ગુરુવારથી ચાર ફ્લાઇટ્સ – AI 864 (મુંબઇ-દિલ્હી), AI 687 (મુંબઇ-દિલ્હી), AI 945 (મુંબઇ-અબુધાબી) અને AI 639 (મુંબઇ-બેંગલુરુ) – ને “અદ્યતન ફૂડ સર્વિસ” પ્રદાન કરવામાં આવશે. જો કે ગુરૂવાર બાદ અધિગ્રહણની સમગ્ર પ્રક્રિયા પૂર્ણ થઇ જશે.
સરકારે સ્પર્ધાત્મક બિડિંગ પ્રક્રિયા બાદ ૮ ઓક્ટોબરે એર ઇન્ડિયાને Talace પ્રાઇવેટ લિમિટેડને રૂ.૧૮,૦૦૦ કરોડમાં વેચી દીધી હતી. આ કંપની ટાટા ગ્રૂપની હોલ્ડિંગ કંપનીની સબ્સિડિયરી છે. અધિકારીઓએ જણાવ્યું હતું કે એર ઇન્ડિયાની તમામ ફ્લાઇટ્સ કયા દિવસથી “ટાટા સુમાહના બેનર હેઠળ અથવા તેના નેજા હેઠળ” ઉડાન ભરશે, સ્ટાફને પછીથી જાણ કરવામાં આવશે.
તેમણે જણાવ્યું હતું કે “એડવાન્સ્ડ ફૂડ સર્વિસ” હેઠળ શુક્રવારથી મુંબઇ-નેવાર્ક ફ્લાઇટમાં અને મુંબઇ-દિલ્હીની પાંચ ફ્લાઇટમાં ભોજન પીરસવામાં આવશે. અધિકારીઓએ જણાવ્યું હતું કે ટાટા જૂથના અધિકારીઓ દ્વારા તૈયાર કરવામાં આવેલી ‘અદ્યતન ફૂડ સર્વિસ’ તબક્કાવાર અને વધુ ફ્લાઇટ્સમાં શરૂ કરવામાં આવશે.
 |
 |
 |
સાર્થક પ્રકાશન દ્વારા પ્રકાશિત પ્રશાંત દયાળનાં ત્રણ યાદગાર પુસ્તકો
૧. લતીફઃ દારૂબંધીનું અર્થકારણ, કોમવાદનું રાજકારણ (કિંમતઃ રૂ.૧૧૦)
૨. જીવતી વારતા (કિંમત રૂ.૧૫૦)
૩. ૨૦૦૨ : રમખાણોનું અધૂરું સત્ય (કિંમત રૂ. ૧૫૦)
પુસ્તકો મેળવવાનું સ્થળઃ બુકશૅલ્ફ, સ્વસ્તિક ચાર રસ્તા, અમદાવાદ
98252 90796 પર ફોન કે વૉટ્સએપ મેસેજ કરીને પણ પુસ્તકો ઘરેબેઠાં મેળવી શકાય છે.
 |  |  |  |
