નવજીવન ન્યૂઝ. અમદાવાદ: ગુજરાત હાઈકોર્ટે બુધવારે સાબરકાંઠા જિલ્લાના હિંમતનગર શહેરમાં ગયા મહિને રામ નવમીના દિવસે થયેલી કોમી અથડામણમાં આરોપીની નિયમિત જામીન અરજી નામંજૂર કરી હતી. આરોપી પ્રકાશ પંડ્યા 10 એપ્રિલે તહેવારની ઉજવણી માટે કાઢવામાં આવેલા સરઘસનો ભાગ હતો અને સીસીટીવી કેમેરામાં કેદ થયેલા ફૂટેજમાં તલવાર લહેરાવતો જોવા મળ્યો હતો. કોમી અથડામણ થતાં પોલીસે એફઆઈઆર દાખલ કરી હતી.
જસ્ટિસ સમીર દવેએ પ્રથમ તબક્કે જ પંડ્યાની જામીન અરજી ફગાવી દીધી હતી અને ચાર્જશીટ દાખલ થયા બાદ અરજદારને કોર્ટમાં જવાનો નિર્દેશ આપ્યો હતો. અરજદારના વકીલે કોર્ટને કહ્યું, “પ્રકાશના હાથમાં તલવાર હતી. આ સીસીટીવી ફૂટેજમાંથી જોઈ શકાય છે.” તેમના અસીલનો બચાવ કરતા વકીલે કહ્યું, “રામ નવમી અને ગુરુ નાનક જયંતિ જેવા પ્રસંગોએ લોકો આ શસ્ત્રો (તલવારો) પોતાની સાથે સરઘસમાં લઈ જાય છે.” તેમણે દાવો કર્યો હતો કે રામ નવમીની શોભાયાત્રા પોલીસની પરવાનગીથી કાઢવામાં આવી હતી, પરંતુ રાજ્ય સત્તાવાળાઓ કાર્યક્રમ માટે સુરક્ષા પૂરી પાડવા સક્ષમ ન હતા.
હિંમતનગરમાં થયેલી અથડામણના સંદર્ભમાં 11 લોકોની ધરપકડ કરવામાં આવી છે. હિંમતનગર ઉપરાંત, આણંદ જિલ્લાના ખંભાત શહેરમાં રામ નવમી પર કોમી હિંસા ફાટી નીકળી હતી, જેમાં એક વ્યક્તિનું મોત થયું હતું અને અનેક વાહનો અને દુકાનોને નુકસાન થયું હતું.
 |
 |
 |
સાર્થક પ્રકાશન દ્વારા પ્રકાશિત પ્રશાંત દયાળનાં ત્રણ યાદગાર પુસ્તકો
૧. લતીફઃ દારૂબંધીનું અર્થકારણ, કોમવાદનું રાજકારણ (કિંમતઃ રૂ.૧૧૦)
૨. જીવતી વારતા (કિંમત રૂ.૧૫૦)
૩. ૨૦૦૨ : રમખાણોનું અધૂરું સત્ય (કિંમત રૂ. ૧૫૦)
પુસ્તકો મેળવવાનું સ્થળઃ બુકશૅલ્ફ, સ્વસ્તિક ચાર રસ્તા, અમદાવાદ
98252 90796 પર ફોન કે વૉટ્સએપ મેસેજ કરીને પણ પુસ્તકો ઘરેબેઠાં મેળવી શકાય છે.
 |  |  |  |
