નવજીવન ન્યૂઝ. નવી દિલ્હી: દુનિયાના સૌથી લોકપ્રિય માઇક્રોબ્લોગિંગ સોશિયલ મીડિયા પ્લેટફોર્મ ટ્વિટરને દુનિયાના સૌથી અમીર બિઝનેસમેન એલોન મસ્કે ખરીદી લીધું છે. સોમવારે એક નિવેદન અનુસાર ટ્વિટરના ચીફ એક્ઝિક્યુટિવ ઓફિસર(CEO) પરાગ અગ્રવાલ અને ચેરમેન બ્રેટ ટેલર હજુ પણ ઓફિસમાં છે, એટલે કે તેઓ હાલ કંપની સાથે સંકળાયેલા છે, પરંતુ છેલ્લા કેટલાક સપ્તાહથી એલોન મસ્ક સતત ટ્વિટરના બોર્ડ સામે અસંતોષ વ્યક્ત કરી રહ્યા છે.
ટ્વિટરને જે રીતે ચલાવવામાં આવ્યું તેનાથી એલોન મસ્ક ખુશ ન હતા. જ્યારે કોઈ કંપની ખરીદવામાં આવે છે, ત્યારે તેનું સંચાલન બદલવું સામાન્ય છે. પરંતુ એલોન મસ્ક પહેલેથી જ ટેસ્લા અને સ્પેસએક્સના CEO છે. આ એલોન મસ્કની બીજી કંપનીની મુખ્ય નેતૃત્વની ભૂમિકા લેવાની ક્ષમતાને મર્યાદિત કરી શકે છે.
ટ્વિટરને એલોન મસ્કે ખરીદી લીધું છે. એલોન મસ્કે આ પ્લેટફોર્મ પર અભિવ્યક્તિની સ્વતંત્રતાને પ્રોત્સાહન આપવાની યોજનાઓની રૂપરેખા આપી છે. એલોન મસ્કે વપરાશકર્તાઓના ટ્વીટ્સને મધ્યસ્થ કરવામાં કડકાઈ કરવામાં આવી રહી હોવાની ફરિયાદ પણ કરી છે. એલોન મસ્ક અને ટ્વિટરના સોદાની જાહેરાતના કલાકો પહેલા, એલોન મસ્કે ટ્વીટ કર્યું હતું, “મને આશા છે કે મારા સૌથી ખરાબ ટીકાકારો પણ ટ્વિટર પર હશે.” કારણ કે અભિવ્યક્તિની સ્વતંત્રતાનો અર્થ એક જ છે.” એલોન મસ્કે બેઘર લોકોને આશ્રય આપવા માટે કંપનીનું હેડક્વાર્ટર ખોલવા અને પૈસા ચૂકવનારા વપરાશકર્તાઓ માટેની જાહેરાતો દૂર કરવા, તેમજ પ્લેટફોર્મની ઓથેન્ટિકેશનની પ્રક્રિયાને મજબૂત કરવા જેવા વિચારો રજૂ કર્યા હતા.
આ સાથે જ એલોન મસ્કે ટ્વિટર ખરીદ્યા બાદ કંપનીના CEO પરાગ અગ્રવાલને લઈને અનેક પ્રકારની ચર્ચાઓ તેજ થઈ ગઈ છે. લોકોનું માનવું છે કે પરાગ અગ્રવાલને ટ્વિટરથી ડિસ્ચાર્જ કરવામાં આવી શકે છે. ન્યૂઝ એજન્સી રોયટર્સે રિસર્ચ ફર્મ ઇક્વિલરને ટાંકીને જણાવ્યું છે કે જો અગ્રવાલને 12 મહિનાની અંદર ટ્વિટરમાંથી રજા આપવામાં આવશે તો કંપનીએ તેમને 42 મિલિયન ડોલરની રકમ ચૂકવવી પડશે.
ઇક્વલરના અંદાજથી અગ્રવાલના બેઝિક સેલરીમાં તમામ પ્રકારના અન્ય લાભો ઉમેરાય છે, જોકે ટ્વિટરના પ્રતિનિધિએ ઇક્વલરના અંદાજનો કોઇ પણ પ્રકારનો જવાબ આપવાનો ઇનકાર કરી દીધો છે.
 |
 |
 |
સાર્થક પ્રકાશન દ્વારા પ્રકાશિત પ્રશાંત દયાળનાં ત્રણ યાદગાર પુસ્તકો
૧. લતીફઃ દારૂબંધીનું અર્થકારણ, કોમવાદનું રાજકારણ (કિંમતઃ રૂ.૧૧૦)
૨. જીવતી વારતા (કિંમત રૂ.૧૫૦)
૩. ૨૦૦૨ : રમખાણોનું અધૂરું સત્ય (કિંમત રૂ. ૧૫૦)
પુસ્તકો મેળવવાનું સ્થળઃ બુકશૅલ્ફ, સ્વસ્તિક ચાર રસ્તા, અમદાવાદ
98252 90796 પર ફોન કે વૉટ્સએપ મેસેજ કરીને પણ પુસ્તકો ઘરેબેઠાં મેળવી શકાય છે.
 |  |  |  |
