નવજીવન ન્યૂઝ.કચ્છઃ ગુજરાતના કચ્છ જિલ્લાની ખાવડા સરહદ પર આજે બુધવારે (8 મે, 2025) એક ડ્રોનમાં વિસ્ફોટ થયાની ઘટનાએ સુરક્ષા બળોને અલર્ટ પર લાવી દીધા છે. સુરક્ષા એજન્સીઓને પ્રારંભિક તપાસમાં પાકિસ્તાની ડ્રોન હોવાની શંકા છે. આ ઘટના ભારત-પાક સરહદ પર ચાલી રહેલા ‘ઓપરેશન સિંદૂર’ બાદ બની હોઈ આ દિશામાં વધુ શંકા પ્રબળ થઈ રહી છે.
ઘટનાની વિગતો:
ખાવડા બોર્ડર પર ડ્રોન જેવા ઓબ્જેક્ટ સાથે વીજ લાઈન અડકી જતા એક વિસ્ફોટ થયો, આ ઘટનામાં કોઈ જાનહાની થઈ નથી.
પાકિસ્તાની સરહદ તરફથી ભારતમાં 20 કિલોમીટર અંદર જેટલા અંતરમાં આ ઘટના બની હોવાની વિગતો મળી રહી છે. ભારતીય ભૂભાગમાં પ્રવેશ કરતાં તેમાં આપમેળે વિસ્ફોટ થયો હતો.
સુરક્ષા બળોની પ્રતિક્રિયા:
BSF ના એક અધિકારીએ પત્રકાર જયેશ શાહને જણાવ્યું હતું કે, “આ ઘટના પાકિસ્તાની જાસૂસી હોઈ શકે છે. વહેલી સવારથી ડ્રોન બોર્ડર એરિયામાં ફરતું હોવાની વિગતો મળી રહી છે એટલે આ સંભાવનાઓ પ્રબળ છે. હજુ જોકે તેની તપાસમાં વધુ સચોટ સ્પષ્ટ થશે.”
કચ્છના સરહદ વિસ્તારમાં હાઇ-અલર્ટ જારી કરવામાં આવ્યો છે. તો સવાલ એ છે કે સુરક્ષા એજન્સીઓને આ ડ્રોન પાકિસ્તાન તરફથી કેવી રીતે આવી ગયું તેની કેટલી જાણકારી અને સતર્કતા રહી હશે? ડ્રોન જેવી ચીજ સરહદી વિસ્તારમાં ઉડાવાય તો પણ તેના ધારાધોરણોને લઈને કેવી કામગીરી છે?
પાકિસ્તાનની પ્રતિક્રિયા:
પાકિસ્તાની સેના અથવા સરકાર તરફથી હજુ સુધી આ ઘટનાપર કોઈ પ્રતિક્રિયા નથી મળી. ફોરેન્સિક લેબમાં ડ્રોનના અવશેષોની તપાસ માટે મોકલ્યા છે.
સ્થાનિક લોકો પર અસર:
સરહદી ગામડાંઓમાં લોકોને સાવધ રહેવાની સૂચના આપવામાં આવી છે. તેવા સંજોગોમાં આ ઘટના બાદ લોકોએ વધુ સાવધ રહેવાની જરૂર છે. લોકોએ સોશિયલ મીડિયા પર ફેલાતી અફવાઓથી પણ સચેત રહેવાનું છે.
નિષ્કર્ષ:
આ ઘટના ભારત-પાક સરહદ પરની સંવેદનશીલતાની જાણકરી આપે છે. BSF, ગુજરાત પોલીસ સહિત અન્ય સુરક્ષા એજન્સીઓની સંયુક્ત ટીમ વધુ પુરાવા શોધી રહી છે.
પ્રશાંત દયાળનાં સાત યાદગાર પુસ્તકો
- અક્ષરધામ – ત્રાસવાદી હુમલો, પોલીસ-તપાસ અને અદાલતી કાર્યવાહી વિશેની કડીબદ્ધ વિગતો (કિંમતઃ રૂ.200)
- લતીફઃ દારૂબંધીનું અર્થકારણ, કોમવાદનું રાજકારણ (કિંમતઃ રૂ.140)
- જીવતી વારતાઃ સૂતેલી સંવેદનાઓને ઢંઢોળતી સત્યકથાઓ (કિંમતઃ રૂ.150)
- 2002: રમખાણોનું અધૂરું સત્ય (કિંમતઃ રૂ. 200)
- શતરંજ : ક્રાઇમ થ્રિલર નવલકથા(કિંમતઃ રૂ. 500)
- દીવાલ : સાબરમતી જેલ સુરંગકાંડની સત્યઘટનાને સ્પર્શતી નવલકથા (કિંમતઃ રૂ. 300)
- નાદાન : એક કેદીના જીવનની સત્યઘટનાઓ ઉપર આધારિત નવલકથા(કિંમતઃ રૂ. 300)
પુસ્તકો મેળવવાનું સ્થળઃ બુક શેલ્ફ, સ્વસ્તિક ચાર રસ્તા, અમદાવાદ | પુસ્તકો ઘરે બેઠાં મેળવવા માટે ફોન/વોટ્સએપ સંપર્કઃ 98252 90796
 |  |  |  |
