નવજીવન ન્યૂઝ.નવી દિલ્હીઃ દિલ્હીની અરવિંદ કેજરીવાલ સરકારના મંત્રી સત્યેંદ્ર જૈનની એન્ફોર્સમેન્ટ ડિરેક્ટોરેટ (ઈડી)એ કથિત મની લોંન્ડ્રિંગ કેસમાં ધરપકડ કરી છે. આમ આદમી પાર્ટીના નેતા સત્યેંદ્ર જૈન સામે ધનશોધન (મની લોંન્ડ્રિંગ)નો આ કેસ ઓગસ્ટ 2017માં કેન્દ્રીય તપાસ એજન્સી (સીબીઆઈ) દ્વારા તેમના અને અન્ય સામે આવક કરતાં વધુ સંપત્તિ રાખવાના આરોપમાં દાખલ કરાયેલી ફરિયાદ સાથે જોડાયેલો છે.
એન્ફોર્સમેન્ટ ડિરેક્ટોરેટ (ઈડી)એ આ વર્ષે એપ્રિલ માસમાં કહ્યું હતું કે તેને મની લોંન્ડ્રિંગની તપાસના મામલામાં સત્યેંદ્ર જૈનના પરિવાર અને તેમની કંપનીઓની 4.81 કરોડની કિંમતની સંપત્તિઓની તપાસ કરી છે. જૈન દિલ્હીમાં સરકારમાં સ્વાસ્થ્ય, ગૃહ, વીજળી, લોક નિર્માણ વિભાગ (પીડબ્લ્યૂડી), ઉદ્યોગ, શહેરી વિકાસ, પુર, સિંચાઈ અને જળ મંત્રી છે. ઈડીએ વર્ષ 2018માં શકૂર વસ્તીના આપ ધારાસભ્ય સાથે આ મામલામાં પુછપરછ કરી હતી.
એક નિવેદનમાં, એન્ફોર્સમેન્ટ ડિરેક્ટોરેટે જણાવ્યું હતું કે લગભગ રૂ. 4.81 કરોડની સ્થાવર મિલકતો “અકિંચન ડેવલપર્સ પ્રાઈવેટ લિમિટેડ, ઈન્ડો મેટલ ઈમ્પેક્સ પ્રાઈવેટ લિમિટેડ, પર્યાસ ઈન્ફોસોલ્યુશન પ્રાઈવેટ લિમિટેડ, મંગલાયતન પ્રોજેક્ટ્સ પ્રાઈવેટ લિમિટેડ, જેજે આઈડીયલ એસ્ટેટ પ્રાઈવેટ લિમિટેડ, વૈભવ જૈનની પત્ની છે. સ્વાતિ જૈન અજીત પ્રસાદ જૈનની પત્ની સુશીલા જૈન અને સુનીલ જૈનની પત્ની ઈન્દુ જૈન સાથે સંબંધિત છે તેની ચુકવણી માટે કરવામાં આવી હતી.
 |
 |
 |
 |  |  |  |
