નવજીવન ન્યૂઝ. મુંબઈ: શિવસેનાના નેતા એકનાથ શિંદેના બળવાખોર વલણને કારણે મહારાષ્ટ્રમાં રાજકીય ગરમાવો જોવા મળી રહ્યો છે. દરમિયાન, એવા સમાચાર છે કે મહારાષ્ટ્ર વિધાનસભા ભંગ થઈ શકે છે. આવા સંકેત શિવસેનાના નેતા અને રાજ્યસભા સાંસદ સંજય રાઉતે ટ્વિટ કરીને આપ્યા છે. જણાવી દઈએ કે શિવસેનાના મંત્રી એકનાથ શિંદે પાર્ટીના ધારાસભ્યો સાથે આસામ પહોંચી ગયા છે. તેઓ આસામમાં હોટેલ રેડિશન બ્લુમાં રોકાયા છે. આ પછી ઉદ્ધવ સરકાર પર સંકટ વધુ ઘેરાઈ ગયું છે.
એકનાથ શિંદે દાવો કરે છે કે તેમની પાસે છ અપક્ષ ધારાસભ્યોનું સમર્થન પણ છે અને આમ કુલ 46 ધારાસભ્યો તેમની સાથે છે. બીજી તરફ શિવસેનાના નેતા સંજય રાઉતે કહ્યું કે સવારે એકનાથ શિંદે સાથે 1 કલાક સુધી વાતચીત થઈ. ન તો અમે શિંદેને છોડી શકીશું કે ન તે અમને. વધુમાં વધુ સત્તા જશે પણ અમે ફરી જીતીશું.
महाराष्ट्रातील राजकीय घडामोडींचा प्रवास विधान सभा बरखास्तीचया दिशेने..
— Sanjay Raut (@rautsanjay61) June 22, 2022
ગુવાહાટી એરપોર્ટ પર એકનાથ શિંદેએ ફરી એકવાર કહ્યું કે તેઓ બાલાસાહેબ ઠાકરેના હિન્દુત્વને આગળ લઈ જશે. નોંધનીય છે કે તેમણે સુરત એરપોર્ટ પર પણ કહ્યું હતું કે તેમણે બાલાસાહેબ ઠાકરેનું હિન્દુત્વ છોડ્યું નથી. તેમણે કહ્યું હતું કે, હું ઈચ્છું છું કે ઉદ્ધવ ઠાકરે ભાજપ સાથે સરકાર બનાવે.
 |
 |
 |
સાર્થક પ્રકાશન દ્વારા પ્રકાશિત પ્રશાંત દયાળનાં ત્રણ યાદગાર પુસ્તકો
૧. લતીફઃ દારૂબંધીનું અર્થકારણ, કોમવાદનું રાજકારણ (કિંમતઃ રૂ.૧૧૦)
૨. જીવતી વારતા (કિંમત રૂ.૧૫૦)
૩. ૨૦૦૨ : રમખાણોનું અધૂરું સત્ય (કિંમત રૂ. ૧૫૦)
પુસ્તકો મેળવવાનું સ્થળઃ બુકશૅલ્ફ, સ્વસ્તિક ચાર રસ્તા, અમદાવાદ
98252 90796 પર ફોન કે વૉટ્સએપ મેસેજ કરીને પણ પુસ્તકો ઘરેબેઠાં મેળવી શકાય છે.
 |  |  |  |
