નવજીવન ન્યૂઝ. ગાંધીનગર: વડા પ્રધાન નરેન્દ્ર મોદીએ આજે વિશ્વ આરોગ્ય સંગઠન (WHO) ના મહાનિર્દેશક ટેડ્રોસ ઘેબ્રેયેસસને તેમની વિનંતી પર “ગુજરાતી નામ” આપ્યું હતું. પીએમ મોદીએ ગાંધીનગરમાં ગ્લોબલ આયુષ ઇન્વેસ્ટમેન્ટ એન્ડ ઇનોવેશન સમિટમાં ડબ્લ્યુએચઓના વડાને કહ્યું કે, “તમને તુલસીભાઇ કહીને બોલાવવામાં મને ખૂબ મજા આવી રહી છે.” પીએમ મોદીએ તેમને સમજાવ્યું કે ભારતીયો પેઢીઓથી તુલસીના છોડની પૂજા કરે છે.
પીએમ મોદીએ કહ્યું, “ડબ્લ્યુએચઓના મહાનિર્દેશક ટેડ્રોસ મારા સારા મિત્ર છે. તેમણે હંમેશાં મને કહ્યું કે ભારતીય શિક્ષકોએ મને શીખવ્યું છે અને હું તેમના કારણે અહીં છું. આજે તેમણે મને કહ્યું – ‘હું પાક્કો ગુજરાતી બની ગયો છું. તમે મારા માટે કોઈ નામ નક્કી કર્યું છે?” એટલે હું તેમને તુલસીભાઈ કહીને બોલાવીશ. તુલસી એક એવો છોડ છે જેને આધુનિક પેઢીઓ ભૂલી રહી છે. પેઢીઓએ તુલસીની પૂજા કરી છે. લગ્નમાં તુલસીના છોડનો ઉપયોગ પણ કરી શકો છો. તો હવે તમે અમારી સાથે છો.
પીએમ મોદી ગુજરાતમાં ત્રણ દિવસીય ગ્લોબલ આયુષ ઈન્વેસ્ટમેન્ટ એન્ડ ઈનોવેશન સમિટના ઉદ્ઘાટન સમારોહને સંબોધિત કરી રહ્યા હતા. આ પ્રસંગે ડબ્લ્યુએચઓના મહાનિદેશક ઉપરાંત મોરેશિયસના વડાપ્રધાન પ્રવિન્દ જગન્નાથ પણ ઉપસ્થિત રહ્યા હતા.
પીએમ મોદીએ જાહેરાત કરી હતી કે, ભારત ટૂંક સમયમાં પરંપરાગત ચિકિત્સા માટે અહીં આવવા માંગતા વિદેશી નાગરિકો માટે વિશેષ આયુષ વિઝા કેટેગરી રજૂ કરશે. તેમણે કહ્યું હતું કે, “ટૂંક સમયમાં જ ભારત આયુષ ચિકિત્સાનો લાભ લેવા માટે ભારત આવવા ઇચ્છતા વિદેશી નાગરિકો માટે વિશેષ આયુષ વિઝા કેટેગરી શરૂ કરવા જઈ રહ્યું છે.”
તેમણે કહ્યું હતું કે, આયુષનાં ક્ષેત્રમાં રોકાણ અને નવીનતા માટે પુષ્કળ સંભવિતતા છે. પ્રધાનમંત્રીએ કહ્યું હતું કે, “અમે આયુષ દવાઓ, સપ્લિમેન્ટ્સ અને કોસ્મેટિક્સનાં ઉત્પાદનમાં અભૂતપૂર્વ તેજીનો સામનો કરી રહ્યાં છીએ.” પીએમ મોદીએ કહ્યું કે “અમે એક ખાસ આયુષ હોલમાર્ક બનાવવા જઈ રહ્યા છીએ. આ હોલમાર્ક ભારતમાં બનેલી ઉચ્ચ ગુણવત્તાયુક્ત આયુષ ઉત્પાદનો પર લાગુ કરવામાં આવશે.”
 |
 |
 |
સાર્થક પ્રકાશન દ્વારા પ્રકાશિત પ્રશાંત દયાળનાં ત્રણ યાદગાર પુસ્તકો
૧. લતીફઃ દારૂબંધીનું અર્થકારણ, કોમવાદનું રાજકારણ (કિંમતઃ રૂ.૧૧૦)
૨. જીવતી વારતા (કિંમત રૂ.૧૫૦)
૩. ૨૦૦૨ : રમખાણોનું અધૂરું સત્ય (કિંમત રૂ. ૧૫૦)
પુસ્તકો મેળવવાનું સ્થળઃ બુકશૅલ્ફ, સ્વસ્તિક ચાર રસ્તા, અમદાવાદ
98252 90796 પર ફોન કે વૉટ્સએપ મેસેજ કરીને પણ પુસ્તકો ઘરેબેઠાં મેળવી શકાય છે.
 |  |  |  |
