નવજીવન ન્યુઝ.નવી દિલ્હી: સરકારે આખરે ક્રિપ્ટોકરન્સીને ટેક્સની જાળમાં લાવવાની જાહેરાત કરી છે. નાણામંત્રી નિર્મલા સીતારમણે મંગળવારે કેન્દ્રીય બજેટની જાહેરાત કરી, જેમાં તેમણે કહ્યું કે સરકાર ક્રિપ્ટોકરન્સીને ટેક્સના દાયરામાં લાવી રહી છે. હવે ક્રિપ્ટો રોકાણકારોએ ક્રિપ્ટોથી થતી કમાણી પર ટેક્સ આપવો પડશે. ક્રિપ્ટોકરન્સીથી થતી આવક પર હવે 30 ટકા ટેક્સ લાગશે તેવો પ્રસ્તાવ છે.
જો તમે ક્રિપ્ટોકરન્સી માર્કેટમાં રોકાણ કરો છો અથવા કરવામાં રસ ધરાવો છો, તો તમારે ડિજિટલ એસેટ્સ અને ક્રિપ્ટોકરન્સી પરના આ મોટા ફેરફારને જાણવાની જરૂર છે. ક્રિપ્ટોકરન્સીથી થતી આવક પર 30 ટકા ટેક્સ ઉપરાંત નાણામંત્રીએ એવી પણ જાહેરાત કરી હતી કે ડિજિટલ એસેટ્સના ટ્રાન્સફર પર પણ 30 ટકા ટેક્સ લાગશે.
નાણાં મંત્રીએ કહ્યું હતું કે એક મર્યાદાથી વધુ ડિજિટલ સંપત્તિના સ્થાનાંતરણ પર એક ટકા ટીડીએસ લાગશે. સાથે જ ગિફ્ટ તરીકે મળતી ડિજિટલ એસેટ્સ પર પણ ટેક્સ લાગશે. બજેટમાં કહેવામાં આવ્યું છે કે અધિગ્રહણના ખર્ચ સિવાય ખર્ચ પર કોઈ કાપ નહીં મૂકવામાં આવે.
ડિસેમ્બર 2021 માં સંસદના શિયાળુ સત્ર પહેલા, એવું જાણવા મળ્યું હતું કે સરકાર ધ ક્રિપ્ટોકરન્સી અને ઓફિશિયલ ડિજિટલ કરન્સી રેગ્યુલેશન બિલ 2021 પર બિલ રજૂ કરી શકે છે. જો કે, સરકારે પુનરોચ્ચાર કર્યો હતો કે બિલમાં હજી પણ ઘણા પાસાઓની ચર્ચા થઈ રહી છે, તેથી તે સત્રમાં ક્રિપ્ટો પર કોઈ જાહેરાત કરવામાં આવી ન હતી અને હવે સીધા બજેટમાં, સરકારે ક્રિપ્ટોને કરવેરાના દાયરામાં લાવી દીધી છે, જેમ કે પહેલેથી જ અપેક્ષા રાખવામાં આવી હતી.
ક્રિપ્ટો બિલના સમાચાર સાંભળ્યા પછી જ ક્રિપ્ટો માર્કેટ પર નોંધપાત્ર અસર પડી હતી. જોકે પાછળથી બજારમાં સુધારો થયો હતો, તેથી હવે જોવાનું એ રહે છે કે કરવેરાની બજાર પર શું અસર પડે છે. બાય ધ વે, તમને એ પણ જણાવી દઈએ કે સરકારે આરબીઆઈના ડિજિટલ રૂપિયાની પણ જાહેરાત કરી દીધી છે. કેન્દ્રીય રિઝર્વ બેંક આગામી નાણાકીય વર્ષમાં તેની સત્તાવાર ડિજિટલ કરન્સી જારી કરે તેવી શક્યતા છે.
 |
 |
 |
સાર્થક પ્રકાશન દ્વારા પ્રકાશિત પ્રશાંત દયાળનાં ત્રણ યાદગાર પુસ્તકો
૧. લતીફઃ દારૂબંધીનું અર્થકારણ, કોમવાદનું રાજકારણ (કિંમતઃ રૂ.૧૧૦)
૨. જીવતી વારતા (કિંમત રૂ.૧૫૦)
૩. ૨૦૦૨ : રમખાણોનું અધૂરું સત્ય (કિંમત રૂ. ૧૫૦)
પુસ્તકો મેળવવાનું સ્થળઃ બુકશૅલ્ફ, સ્વસ્તિક ચાર રસ્તા, અમદાવાદ
98252 90796 પર ફોન કે વૉટ્સએપ મેસેજ કરીને પણ પુસ્તકો ઘરેબેઠાં મેળવી શકાય છે.
 |  |  |  |
