નવજીવન ન્યૂઝ. મુંબઈઃ મહારાષ્ટ્રના મુખ્ય પ્રધાન ઉદ્ધવ ઠાકરેએ બુધવારે રાત્રે દક્ષિણ મુંબઈમાં તેમનું સત્તાવાર નિવાસસ્થાન ખાલી કર્યું હતું અને શિવસેનાના નેતા એકનાથ શિંદેના બળવાને ધ્યાનમાં રાખીને બાંદ્રામાં તેમના ખાનગી નિવાસસ્થાને ગયા હતા. બીજી તરફ એકનાથ શિંદેએ બુધવારે સ્પષ્ટ કર્યું કે પાર્ટીના અસ્તિત્વ માટે શરદ પવારની પાર્ટી અને કોંગ્રેસના ગઠબંધનમાંથી બહાર નીકળવું મહત્વપૂર્ણ છે. એકનાથ શિંદેનું આ નિવેદન એવા અહેવાલો પછી આવ્યું છે કે શરદ પવાર અને કોંગ્રેસે એકનાથ શિંદેને મહારાષ્ટ્રના સીએમ બનાવવાનું સૂચન કર્યું છે.
ભારતીય જનતા પાર્ટીના પ્રવક્તા તજિન્દર પાલ સિંહ બગ્ગાએ ઠાકરે વિરુદ્ધ મલબાર હિલ પોલીસ સ્ટેશનમાં ઓનલાઈન ફરિયાદ નોંધાવી છે. બગ્ગાએ મહારાષ્ટ્રના મુખ્યમંત્રી ઉદ્ધવ ઠાકરે સામે કોવિડ-19 પ્રોટોકોલ તોડવાની ફરિયાદ નોંધાવી છે. ઠાકરે કોરોના વાયરસથી સંક્રમિત છે અને તેઓ મુંબઈમાં તેમના સત્તાવાર નિવાસસ્થાનથી તેમના અંગત નિવાસસ્થાને જતા સમયે સમર્થકોને મળ્યા હતા.
શિવસેનાના બળવાખોર ધારાસભ્યોએ રાજ્યપાલને પત્ર લખીને એકનાથ શિંદેને તેમના નેતા જાહેર કર્યા છે. શિવસેનાના મુખપત્ર સામનામાં બળવાખોર ધારાસભ્યોને ચેતવણી આપતા ભાજપ પર પ્રહારો કર્યા છે. સામનામાં લખવામાં આવ્યું છે કે ભાજપની આ પરંપરા રહી છે. તેથી જ કોઈ ગમે તેટલું દબાણ કરે, તો પણ વાવાઝોડું સમાપ્ત થશે અને આકાશ સ્વચ્છ હશે. જો કોઈએ મહારાષ્ટ્રમાં નવી સરકાર બનાવવાનું સપનું જોયું હશે તો તે તેમનું સપનું છે. બુધવારે સાંજે જ મુખ્યમંત્રી ઉદ્ધવ ઠાકરે લોકોને સંબોધિત કર્યા હતા અને મોડી રાત્રે સરકારી આવાસ છોડીને માતોશ્રી પહોંચ્યા હતા.
બળવાખોર શિવસેના નેતા એકનાથ શિંદેનું વલણ હજુ પણ નરમ પડ્યું નથી. પાર્ટીના 37 થી વધુ ધારાસભ્યોનું સમર્થન હોવાનો દાવો કરીને તેઓ પક્ષપલટા વિરોધી કાયદાને પડકારવા પણ તૈયાર છે. દરમિયાન, બુધવારે મોડી રાત્રે શિવસેનાના ચાર બળવાખોર ધારાસભ્યો ગુવાહાટી પહોંચ્યા હતા. મહારાષ્ટ્રના ચાર ધારાસભ્યો સાથેનું બીજું ચાર્ટર્ડ પ્લેન બુધવારે ગુવાહાટી પહોંચ્યું છે. ચાર ધારાસભ્યો – ચંદ્રકાંત પાટીલ, યોગેશ કદમ, મંજુલા ગાવિત અને ગુલાબરાવ પાટીલ મહારાષ્ટ્રના મંત્રી એકનાથ શિંદે સાથે સવારે અહીં આવેલા અન્ય ધારાસભ્યોની જેમ ગુજરાતના સુરતથી ગુવાહાટી આવ્યા હતા.
#WATCH | Shiv Sena workers, supporters showered petals and raised slogans in support of Maharashtra CM Uddhav Thackeray when he left with his family from his official residence 'Versha Bungalow', last night amid political instability in the state pic.twitter.com/QsZSDQEoiq
— ANI (@ANI) June 23, 2022
 |
 |
 |
સાર્થક પ્રકાશન દ્વારા પ્રકાશિત પ્રશાંત દયાળનાં ત્રણ યાદગાર પુસ્તકો
૧. લતીફઃ દારૂબંધીનું અર્થકારણ, કોમવાદનું રાજકારણ (કિંમતઃ રૂ.૧૧૦)
૨. જીવતી વારતા (કિંમત રૂ.૧૫૦)
૩. ૨૦૦૨ : રમખાણોનું અધૂરું સત્ય (કિંમત રૂ. ૧૫૦)
પુસ્તકો મેળવવાનું સ્થળઃ બુકશૅલ્ફ, સ્વસ્તિક ચાર રસ્તા, અમદાવાદ
98252 90796 પર ફોન કે વૉટ્સએપ મેસેજ કરીને પણ પુસ્તકો ઘરેબેઠાં મેળવી શકાય છે.
 |  |  |  |
