નવજીવન ન્યૂઝ.કચ્છ : Kutch News: કચ્છનો જખૌ (Jakhau) વિસ્તાર હંમેશા ચર્ચામાં રહ્યો છે. અહીંયા દરિયાકિનારો હોવાથી અવાર નવાર દરિયાઈ માર્ગે કંઈ ને કંઈ મળી આવવાના સમાચારો મળતા રહે છે. એ પછી ઘુસણખોરી કરતાં માણસો હોય કે નશાકારી પદાર્થો (narcotic)! ત્યારે આજે પણ જખૌ વિસ્તામાંથી એક પ્લાસ્ટીકનું બંધ પેકેટ મળી આવ્યું છે. જેમાં લખ્યું છે, ‘અફ્ઘાન પ્રોડક્ટ’. (AFGHAN Product) શું છે આ ચીજ વાંચો અહેવાલમાં…
ગુજરાત સૌથી લાંબો દરિયા કિનારો ધરાવતું રાજ્ય છે. આ પહેલાં પણ દરિયાઇ માર્ગે ઘુસણખોરી દ્વારા નશાનો કારોબાર ચલાવવામાં આવતો હોવાનું સામે આવ્યું હતું. જેને લઇને આ વિસ્તારમાં ફોર્સની ટીમ સતત પેટ્રોલિંગ કરતી રહેતી હોય છે. તાજેતરમાં 12 એપ્રિલના રોજ કચ્છના જખૌ દરિયા કિનારેથી 10 જેટલા ચરસના પેકેટ મળી આવ્યા હતા. આ પેકેટ પર પણ ‘અફ્ઘાન પ્રોડક્ટ’ લખેલું હતું.
ત્યારે આજે પણ આવું જ ‘અફ્ઘાન પ્રોડક્ટ’ લખેલું એક પેકેટ મળી આવ્યું છે. જે અગાઉ મળી આવેલા પેકેટના સ્થળથી 5 કિમી દૂર હતું. આ પેકેટ બીજું કંઈ નહીં પણ એક પ્લાસ્ટીકના પેકેટમાં બંધ ચરસ છે. આ ચરસનું પેકેટ પાણીના પ્રવાહ સાથે તણાઇ આવ્યું હોવાની આશંકા હાલ સિક્યોરીટી ફોર્સ સેવી રહી છે.
સુત્રો પાસેથી મળતી માહિતી અનુસાર, આ પેકેટ મળતા સિક્યોરીટી ફોર્સ વધુ સતર્ક થઈ ગઈ છે, બીએસએફના (BSF) જવાનોએ તે વિસ્તારમાં સઘન સર્ચ ઓપરેશન શરૂ કરી દીધું છે. ત્યારે આ ચરસનું પેકેટ પાણીના પ્રવાહમાં પાકિસ્તાન તરફથી આવતા દરિયાઇ મોજા સાથે તણાઇને દરિયા કિનારે આવ્યું હોવાનું પ્રાથમિક અનુમાન લગાવવામાં આવી રહ્યું છે.
સાર્થક પ્રકાશન દ્વારા પ્રકાશિત પ્રશાંત દયાળનાં ચાર યાદગાર પુસ્તકો
- લતીફઃ દારૂબંધીનું અર્થકારણ, કોમવાદનું રાજકારણ (કિંમતઃ રૂ.110)
- જીવતી વારતાઃ સૂતેલી સંવેદનાઓને ઢંઢોળતી સત્યકથાઓ (કિંમતઃ રૂ.150)
- 2002: રમખાણોનું અધૂરું સત્ય (કિંમતઃ રૂ. 150)
- દીવાલઃ અમદાવાદ બોમ્બ બ્લાસ્ટના આરોપીઓએ સાબરમતી જેલમાં આચરેલા સુરંગકાંડ પર આધારિત નવલકથા (કિંમતઃ રૂ. 300)
પુસ્તકો મેળવવાનું સ્થળઃ બુક શેલ્ફ, સ્વસ્તિક ચાર રસ્તા, અમદાવાદ | પુસ્તકો ઘરે બેઠાં મેળવવા માટે ફોન/વોટ્સએપ સંપર્કઃ 98252 90796
 |  |  |  |
