JDUના પૂર્વ અધ્યક્ષ શરદ યાદવનું નિધન, પુત્રીએ ભાવુક પોસ્ટ કરી- પિતા નથી રહ્યા

નવજીવન ન્યૂઝ. નવી દિલ્હીઃ જનતા દળ યુનાઈટેડ(JDU)ના પૂર્વ રાષ્ટ્રીય અધ્યક્ષ અને પૂર્વ કેન્દ્રીય મંત્રી શરદ યાદવ(Sharad Yadav)નું 75 વર્ષે નિધન થયું છે. ગુરુગ્રામની ફોર્ટિસ હોસ્પિટલમાં ગુરુવારે રાત્રે તેમનું અવસાન થયું. શ્વાસ લેવામાં તકલીફ થતાં તેમને હોસ્પિટલમાં દાખલ કરવામાં આવ્યા હતા. તેમની પુત્રીએ તેમના મૃત્યુની જાણ કરી હતી. તેમના પાર્થિવ દેહને દિલ્હીના છતરપુર સ્થિત તેમના નિવાસસ્થાને રાખવામાં આવ્યો હતો, જ્યાં લોકો અંતિમ દર્શન કરી શકશે.

શરદ યાદવની પુત્રી શુભાશિની યાદવે ટ્વિટ કરીને પિતાના નિધનની જાણકારી આપી હતી. શુભાશિનીએ પોતાના ટ્વિટમાં લખ્યું, ‘પાપા હવે નથી.’ તેઓ છેલ્લા દિવસોમાં બીમાર હતા અને ગુરુગ્રામની ફોર્ટિસ હોસ્પિટલમાં તેમની સારવાર ચાલી રહી હતી. શરદ યાદવના નિધનથી સમગ્ર રાજકીય જગતમાં શોકની લહેર ફેલાઈ ગઈ છે. ફોર્ટિસ મેમોરિયલ રિસર્ચ ઈન્સ્ટિટ્યૂટ, ગુડગાંવએ એક નિવેદન બહાર પાડીને કહ્યું કે, શરદ યાદવને ફોર્ટિસ મેમોરિયલ રિસર્ચ ઈન્સ્ટિટ્યૂટ, ગુડગાંવ ખાતે બેભાન અવસ્થામાં ઈમરજન્સીમાં લાવવામાં આવ્યા હતા. તપાસમાં તેમના શરીરમાં કોઈ હલચલ ન હતી અને બ્લડ પ્રેશર પણ માપી શકાય તેવું ન હતું. તેમના પર ACLS પ્રોટોકોલ હેઠળ CPR કરવામાં આવ્યું હતું. તમામ પ્રયાસો છતાં તેમને સામાન્ય સ્થિતિમાં લાવી શકાયા ન હતો અને રાત્રે 10.19 કલાકે તેમને મૃત જાહેર કરવામાં આવ્યો હતા. અમે તેમના પરિવાર પ્રત્યે ઊંડી સંવેદના વ્યક્ત કરવા માંગીએ છીએ.

શરદ યાદવ જેડીયુના રાષ્ટ્રીય અધ્યક્ષ પણ રહી ચૂક્યા છે. તેમનું નામ દેશના મોટા સમાજવાદી નેતાઓમાં ગણવામાં આવતું હતું. તેમના નજીકના મિત્રોના મતે શરદ યાદવનું રાજકીય કદ એટલું ઊંચું હતું કે જ્યારે તેઓ બોલતા ત્યારે આખો દેશ સાંભળતો હતો. ભલે તે મંત્રી હોય કે વિપક્ષના સાંસદ, તેમની સામે ક્યારેય એવો કોઈ પ્રશ્ન નથી આવ્યો કે જેનો જવાબ તેમને ન મળ્યો હોય. પ્રશ્નો પૂછનારાઓ તેમના જવાબો સાંભળીને મૌન રહેતા હતા.

શરદ યાદવનો જન્મ 1 જુલાઈ 1947ના રોજ મધ્ય પ્રદેશના હોશંગાબાદના બંધાઈ ગામમાં એક ખેડૂત પરિવારમાં થયો હતો. ખેડૂતના ઘરમાં જન્મેલા શરદ વાંચન અને લખવામાં ખૂબ જ ઝડપી હતા. વિદ્યાર્થી રાજનીતિમાંથી રાષ્ટ્રીય રાજનીતિમાં પોતાની ઓળખ બનાવનાર શરદ યાદવે બિહારના રાજકારણમાં પણ મોટું સ્થાન હાંસલ કર્યું હતું. શરદ યાદવે મધ્યપ્રદેશ, ઉત્તર પ્રદેશ અને પછી બિહારમાં પોતાનો રાજકીય ઝંડો ફરકાવ્યો હતો. નીતિશ કુમાર સાથેના વિવાદ બાદ તેમણે જેડીયુ છોડી દીધી હતી. તેઓ બિહારની મધેપુરા સીટથી ઘણી વખત સાંસદ રહી ચૂક્યા છે.

તેઓ ડૉ. રામ મનોહર લોહિયાના વિચારોથી ખૂબ પ્રેરિત હતા. તેમની પાસેથી પ્રેરણા લઈને શરદ યાદવે અનેક આંદોલનોમાં ભાગ લીધો. આટલું જ નહીં તેઓ 1969-70, 1972 અને 1975માં MISA હેઠળ જેલમાં પણ ગયા હતા. શરદ યાદવે વર્ષ 1974માં સક્રિય રાજકારણમાં પ્રવેશ કર્યો, તેઓ જબલપુર લોકસભા બેઠક પરથી પહેલીવાર સાંસદ બન્યા. તેઓ યુપી, એમપી અને બિહારમાંથી કુલ સાત વખત ચૂંટાઈને લોકસભામાં પહોંચ્યા. તેમના રાજકીય કદનો અંદાજએ વાત પરથી લગાવી શકાય છે કે તેઓ અનેક સરકારોમાં કેન્દ્રીય મંત્રી પણ હતા. શરદ યાદવે પોતાની પાર્ટી લોકતાંત્રિક જનતા દળની શરૂઆત કરી હતી. માર્ચ 2020 માં તેમણે લાલુ યાદવના સંગઠન આરજેડીમાં ભળી ગયા. તેમણે કહ્યું કે સંયુક્ત વિપક્ષની દિશામાં આ પહેલું પગલું હતું.

સાર્થક પ્રકાશન દ્વારા પ્રકાશિત પ્રશાંત દયાળનાં ચાર યાદગાર પુસ્તકો

1. લતીફઃ દારૂબંધીનું અર્થકારણ, કોમવાદનું રાજકારણ (કિંમતઃ રૂ.110)
2. જીવતી વારતાઃ સૂતેલી સંવેદનાઓને ઢંઢોળતી સત્યકથાઓ (કિંમતઃ રૂ.150)
3. 2002: રમખાણોનું અધૂરું સત્ય (કિંમતઃ રૂ. 150)
4. દીવાલઃ અમદાવાદ બોમ્બ બ્લાસ્ટના આરોપીઓએ સાબરમતી જેલમાં આચરેલા સુરંગકાંડ પર આધારિત નવલકથા (કિંમતઃ રૂ. 300)

પુસ્તકો મેળવવાનું સ્થળઃ બુક શેલ્ફ, સ્વસ્તિક ચાર રસ્તા, અમદાવાદ | પુસ્તકો ઘરે બેઠાં મેળવવા માટે ફોન/વોટ્સએપ સંપર્કઃ 98252 90796

Follow on Social Media