નવજીવન ન્યૂઝ. નવી દિલ્હી: યુક્રેનના રાષ્ટ્રપતિ વોલોદિમીર ઝેલેન્સ્કીએ ફરી કહ્યું છે કે તેઓ યુક્રેનની રાજધાની કિવમાં ભય વિના હાજર છે. ઝેલેન્સ્કીનું આ નિવેદન એવા સમયે આવ્યું છે જ્યારે રશિયાની સેનાએ યુક્રેનના અનેક શહેરો પર તોપમારો વધારી દીધો છે. રશિયન દળો ઉત્તરી અને પશ્ચિમી પ્રદેશોમાંથી રાજધાની કિવમાં ઘૂસવાનો પ્રયાસ કરી રહ્યા છે. ઝેલેન્સ્કીએ પોતાના ઓફિશિયલ ઇન્સ્ટાગ્રામ પર એક વીડિયો જાહેર કરીને કહ્યું, “હું કિવમાં છું. બાંકોવા સ્ટ્રીટ પર. હું છુપાવતો નથી અને મને કોઈનો ડર પણ નથી.” તેમણે કહ્યું હતું કે તેઓ જે પણ લડી રહ્યા છે તે “દેશભક્તિનું યુદ્ધ” જીતવા માટે જે કંઈ પણ કરી શકે તે કરશે.
વોલોડિમીર ઝેલેન્સ્કી એક હાસ્ય કલાકાર રહી ચૂક્યા છે. રશિયા અને પશ્ચિમી શક્તિઓ વચ્ચે શીત યુદ્ધ પછીના સૌથી ગંભીર તણાવ વચ્ચે તેઓ યુક્રેનના રાષ્ટ્રપતિ છે. રશિયાએ બે સપ્તાહ પહેલા યુક્રેન પર હુમલો કર્યો ત્યારથી અત્યાર સુધીમાં 44 વર્ષીય નેતાની હત્યા કરવાના ત્રણ પ્રયાસ થયા હોવાના અહેવાલ મળી રહ્યા છે. યુક્રેનિયન અધિકારીઓને પૂર્વ માહિતી મળ્યા બાદ આ પ્રયાસોને નિષ્ફળ બનાવી શકાયા છે.
રશિયાએ સોમવારે જાહેરાત કરી હતી કે યુક્રેન નાગરિકોને યુદ્ધગ્રસ્ત શહેરો છોડવાની મંજૂરી આપવા માટે સલામત કોરિડોર બનાવવા જઈ રહ્યું છે. પરંતુ યુક્રેને નાગરિકોને રશિયા જવાનો ઇનકાર કર્યો હતો. રશિયાએ જે છ કોરિડોરનો પ્રસ્તાવ મૂક્યો હતો, તેમાંથી ચાર કોરિડોર રશિયા અથવા તેના સાથીદેશ બેલારુસ તરફ જઈ રહ્યા હતા. રાષ્ટ્રપતિ ઝેલેન્સ્કીએ રશિયન સૈન્ય પર ભાગવાનો પ્રયાસ કરી રહેલા નાગરિકો પર હુમલો કરવાનો પણ આરોપ લગાવ્યો હતો. ઝેલેન્સ્કીએ જણાવ્યું હતું કે, “માનવતાવાદી કોરિડોર માટે વ્યવસ્થા કરવામાં આવી હતી. શું તેણે કામ કર્યું હતું? રશિયન ટેન્કોએ એ રસ્તો અવરોધિત કર્યો, રશિયન રોકેટ લોન્ચર, રશિયન લેન્ડમાઇન્સે તેને સફળ થવા દીધો નહીં.”
 |
 |
 |
સાર્થક પ્રકાશન દ્વારા પ્રકાશિત પ્રશાંત દયાળનાં ત્રણ યાદગાર પુસ્તકો
૧. લતીફઃ દારૂબંધીનું અર્થકારણ, કોમવાદનું રાજકારણ (કિંમતઃ રૂ.૧૧૦)
૨. જીવતી વારતા (કિંમત રૂ.૧૫૦)
૩. ૨૦૦૨ : રમખાણોનું અધૂરું સત્ય (કિંમત રૂ. ૧૫૦)
પુસ્તકો મેળવવાનું સ્થળઃ બુકશૅલ્ફ, સ્વસ્તિક ચાર રસ્તા, અમદાવાદ
98252 90796 પર ફોન કે વૉટ્સએપ મેસેજ કરીને પણ પુસ્તકો ઘરેબેઠાં મેળવી શકાય છે.
 |  |  |  |
