નવજીવન ન્યૂઝ. નવી દિલ્હી: કોંગ્રેસના પૂર્વ અધ્યક્ષ રાહુલ ગાંધીએ અર્થવ્યવસ્થા પર ટ્વીટ કરીને કેન્દ્ર સરકાર પર પ્રહાર કરતા ભારતની તુલના સંકટગ્રસ્ત શ્રીલંકા સાથે કરી હતી, જેમાં બેરોજગારી, ઇંધણના ભાવ અને સાંપ્રદાયિક હિંસામાં બંને દેશોનો ગ્રાફ લગભગ એક સરખો જોવા મળ્યો હતો. રાહુલે પોતાની પોસ્ટમાં છ ગ્રાફિક્સ શેર કર્યા છે, જેમાં ત્રણ ભારતના અને ત્રણ શ્રીલંકાના છે. તેમણે લખ્યું, “લોકોનું ધ્યાન ભટકાવવાથી તથ્યો બદલાશે નહીં. ભારતની સ્થિતિ શ્રીલંકા જેવી જ દેખાય છે.”
ગ્રાફ 2017થી બંને દેશોની બેરોજગારી દર્શાવે છે, જે 2020માં ટોચ પર પહોંચી હતી. આ તે વર્ષ હતું જ્યારે ભારતે મહામારીને પગલે લોકડાઉન લાદ્યું હતું. 2021માં બેરોજગારીની આ સ્થિતિમાં થોડો સુધારો જોવા મળી શકે છે. બીજા ગ્રાફમાં ભારત અને શ્રીલંકામાં પેટ્રોલના ભાવની તુલના કરવામાં આવી છે. 2017થી કિંમતોમાં વધારો થઈ રહ્યો છે અને વર્ષ ૨૦૨૧ માં તે ટોચ પર છે. ત્રીજા ગ્રાફમાં બંને દેશોમાં સાંપ્રદાયિક હિંસાને ગ્રાફ દ્વારા દર્શાવવામાં આવી છે, જેનો ગ્રાફ બંને દેશોમાં 2020-21માં ચઢ્યો હતો. રાહુલ ગાંધીની આ પોસ્ટમાં જે ડેટા છે તે આર્મ્ડ કોન્ફ્લિક્ટ લોકેશન એન્ડ ઇવેન્ટ ડેટા પ્રોજેક્ટ, લોકસભા અનસ્ટાર્ડ પ્રશ્નો, સીએમઆઇઇ, પ્લાનિંગ એન્ડ એનાલિસિસ સેટ, સેન્ટ્રલ બેંક ઓફ શ્રીલંકા અને સિપેટકો (સિલોન પેટ્રોલિયમ કોર્પોરેશન)નો છે.
Distracting people won’t change the facts. India looks a lot like Sri Lanka. pic.twitter.com/q1dptUyZvM
— Rahul Gandhi (@RahulGandhi) May 18, 2022
નોંધનીય છે કે પાડોશી દેશ શ્રીલંકા હાલ અભૂતપૂર્વ આર્થિક સંકટનો સામનો કરી રહ્યું છે. આ સમયે દેશમાં અન્ન, વીજળી અને ઇંધણની તીવ્ર અછત છે. કોરોના લોકડાઉનને કારણે આર્થિક ગેરવહીવટ અને પર્યટન ઉદ્યોગ બંધ થવાને કારણે આવી સ્થિતિ ઉભી થઈ છે. પરિસ્થિતિ એટલી ખરાબ છે કે શ્રીલંકાની સરકારે બુધવારે કહ્યું હતું કે લગભગ બે મહિનાથી એક પેટ્રોલ ભરેલું જહાજ તેમના દરિયાકિનારે ઉભું છે, પરંતુ તેની પાસે તેના માટે ચૂકવણી કરવા માટે વિદેશી વિનિમય નથી. શ્રીલંકાએ તેના નાગરિકોને અપીલ કરી છે કે તેઓ આ બળતણ માટે “કતારોમાં ઉભા ન રહે અને રાહ જુએ.”
 |
 |
 |
સાર્થક પ્રકાશન દ્વારા પ્રકાશિત પ્રશાંત દયાળનાં ત્રણ યાદગાર પુસ્તકો
૧. લતીફઃ દારૂબંધીનું અર્થકારણ, કોમવાદનું રાજકારણ (કિંમતઃ રૂ.૧૧૦)
૨. જીવતી વારતા (કિંમત રૂ.૧૫૦)
૩. ૨૦૦૨ : રમખાણોનું અધૂરું સત્ય (કિંમત રૂ. ૧૫૦)
પુસ્તકો મેળવવાનું સ્થળઃ બુકશૅલ્ફ, સ્વસ્તિક ચાર રસ્તા, અમદાવાદ
98252 90796 પર ફોન કે વૉટ્સએપ મેસેજ કરીને પણ પુસ્તકો ઘરેબેઠાં મેળવી શકાય છે.
 |  |  |  |
