Monday, February 17, 2025
HomeGujaratAhmedabadકોમ્પ્રેસરમાં શોર્ટ સર્કિટથી કારખાનામાં આગ ભભૂકી, આગની જ્વાળાથી 80 વર્ષીય વૃદ્ધનું મોત

કોમ્પ્રેસરમાં શોર્ટ સર્કિટથી કારખાનામાં આગ ભભૂકી, આગની જ્વાળાથી 80 વર્ષીય વૃદ્ધનું મોત

- Advertisement -

નવજીવન ન્યૂઝ. અમદાવાદ: ફેક્ટરીઓ કે દુકાનોમાં આગ લાગવાની ઘટનાઓ છાશવારે સામે આવતી હોય છે. શોર્ટ સર્કિટ આગ લાગવાનુ સૌથી મોટું કારણ રહ્યું છે. આગની આટલી બધી ઘટનાઓ પછી સવાલો થાય છે કે, શોર્ટ સર્કિટ રોકવા શું કરી શકાય. ત્યારે અમદાવાદમાં ખુરશીની શીટ બનાવતા કારખાનામાં આગ લાગવાની ઘટના સામે આવી છે.

પ્રાપ્ત માહિતી અનુસાર, અમદાવાદના ગોમતીપુરમાં ખીરશીની શીટ બનાવતા કારખાનામાં આગ લાગી હતી. કોમ્પ્રેસરમાં શોર્ટ્ સર્કિટના કારણે આગ લાગી હતી. ઘટનાને લઈ ફાયર વિભાગને 2:15ની આસપાસ કોલ આવ્યો હતો. તાત્કાલિક ધોરણે ફાયર વિભાગની ટીમ 9 ગાડીઓ સાથે ઘટનાસ્થળે પહોંચી હતી તથા આગને કાબુમાં લેવા કામગીરી હાથ ધરી હતી. પણ ફાયર વિભાગની ટીમ ઘટનાસ્થળે પહોંચે તે પહેલા જ કારખાનાની બહાર ખાટલામાં સૂઈ રહેલા 80 વર્ષીય વૃદ્ધનું આગની જ્વાળામાં દઝાઈ જવાના કારણે મૃત્યુ થયું હતું. ફાયર વિભાગે પણ વૃદ્ધના મોત અંગેની પુષ્ટી કરી છે. મોતને ભેટેલા વૃદ્ધના પૌત્ર અફઝલ દ્વારા આ કારખાનું ચલાવવામાં આવતું હતું.

- Advertisement -

ફાયર વિભાગની ટીમે અન્ય કોઈ વ્યક્તિ ફસાઈ છે કે, કેમ તે અંગે પણ સર્ચ ઓપરેશન હાથ ધર્યું છે. જો કે ફાયર વિભાગે આગને કાબૂમાં લઈ લેતા કારખાનામાં કુલિંગની પ્રક્રિયા હાથ ધરવામાં આવી છે. ઉલ્લેખનીય છે કે, ગઈકાલે જ વિશાળાના રમકડાના ગોડાઉનમાં ભયાનક આગ ફાટી નીકળી હતી તથા આગને કાબુમાં લેવા માટે ફાયર વિભાગની 15થી વધારે ગાડીઓ તથા ફાયર કર્મચારીઓ કામે લાગ્યા હતા.

પ્રશાંત દયાળનાં છ યાદગાર પુસ્તકો

  1. લતીફઃ દારૂબંધીનું અર્થકારણ, કોમવાદનું રાજકારણ (કિંમતઃ રૂ.110)
  2. જીવતી વારતાઃ સૂતેલી સંવેદનાઓને ઢંઢોળતી સત્યકથાઓ (કિંમતઃ રૂ.150)
  3. 2002: રમખાણોનું અધૂરું સત્ય (કિંમતઃ રૂ. 150)
  4. શતરંજ : ક્રાઇમ થ્રિલર નવલકથા(કિંમતઃ રૂ. 500)
  5. દીવાલ : સાબરમતી જેલ સુરંગકાંડની સત્યઘટનાને સ્પર્શતી નવલકથા (કિંમતઃ રૂ. 300)
  6. નાદાન : એક કેદીના જીવનની સત્યઘટનાઓ ઉપર આધારિત નવલકથા(કિંમતઃ રૂ. 300)

પુસ્તકો મેળવવાનું સ્થળઃ બુક શેલ્ફ, સ્વસ્તિક ચાર રસ્તા, અમદાવાદ | પુસ્તકો ઘરે બેઠાં મેળવવા માટે ફોન/વોટ્સએપ સંપર્કઃ 98252 90796

Follow on Social Media
RELATED ARTICLES
- Advertisment -

Most Popular