નવજીવન ન્યૂઝ. ચંદીગઢ: પંજાબમાં આમ આદમી પાર્ટીના મુખ્યમંત્રી પદના ઉમેદવાર ભગવંત માન શનિવારે રાજ્યપાલ બનવારીલાલ પુરોહિતને મળશે અને રાજ્યમાં સરકાર બનાવવાનો દાવો રજૂ કરશે. શુક્રવારે મોહાલીમાં AAP ધારાસભ્યોની બેઠકમાં ભગવંત માનને પાર્ટીના વિધાયક દળના નેતા તરીકે પસંદ કરવામાં આવ્યા છે. તેઓ શનિવારે સરકાર બનાવવાનો દાવો રજૂ કરશે.
આમ આદમી પાર્ટીના નેતા અમન અરોરાએ કહ્યું કે, આજે અહીં ધારાસભ્ય દળની બેઠક યોજાઈ હતી. અમે ઔપચારિક રીતે ભગવંત માનને અમારા નેતા તરીકે પસંદ કર્યા છે. ભગવંત માન 16 માર્ચે નવાંશહર જિલ્લાના મહાન સ્વાતંત્ર્ય સેનાની ભગત સિંહના મૂળ ગામ ખટકર કલાન ખાતે પંજાબના મુખ્યમંત્રી તરીકે શપથ લેશે. પંજાબમાં 117 સભ્યોની વિધાનસભામાં આમ આદમી પાર્ટીએ 92 બેઠકો જીતી છે.
સરકારમાં મંત્રી પદ માટે હરપાલ સિંહ ચીમા, અમન અરોરા, બલજિંદર કૌર, સર્વજીત કૌર માનુકે, ગુરમીત સિંહ મીત હેર, બુધ રામ, કુંવર વિજય પ્રતાપ સિંહ, જીવનજ્યોત કૌર અને ડૉ. ચરણજીત સિંહ સહિત ઘણા AAP ધારાસભ્યોના નામ ચર્ચામાં છે. ભગવંત માને AAPના રાષ્ટ્રીય કન્વીનર અને દિલ્હીના મુખ્યમંત્રી અરવિંદ કેજરીવાલને તેમના શપથ ગ્રહણ સમારોહ માટે આમંત્રણ આપ્યું છે. AAP દ્વારા જારી કરાયેલા નિવેદન અનુસાર, રવિવારે માન અને કેજરીવાલ બંને સુવર્ણ મંદિર, દુર્ગિયાના મંદિર અને શ્રી રામ તીરથ મંદિરની મુલાકાત લેશે. તે AAPની જીતની ઉજવણી કરવા અને મતદારોનો આભાર માનવા માટે અમૃતસરમાં રોડ શોમાં પણ ભાગ લેશે.
 |
 |
 |
સાર્થક પ્રકાશન દ્વારા પ્રકાશિત પ્રશાંત દયાળનાં ત્રણ યાદગાર પુસ્તકો
૧. લતીફઃ દારૂબંધીનું અર્થકારણ, કોમવાદનું રાજકારણ (કિંમતઃ રૂ.૧૧૦)
૨. જીવતી વારતા (કિંમત રૂ.૧૫૦)
૩. ૨૦૦૨ : રમખાણોનું અધૂરું સત્ય (કિંમત રૂ. ૧૫૦)
પુસ્તકો મેળવવાનું સ્થળઃ બુકશૅલ્ફ, સ્વસ્તિક ચાર રસ્તા, અમદાવાદ
98252 90796 પર ફોન કે વૉટ્સએપ મેસેજ કરીને પણ પુસ્તકો ઘરેબેઠાં મેળવી શકાય છે.
 |  |  |  |
