નવજીવન. લખનૌઃ ઉત્તર પ્રદેશમાં આગામી વિધાનસભાની ચૂંટણી પહેલા કોંગ્રેસ પાર્ટીએ આજે પોતાનો યુથ મેનીફેસ્ટો જાહેર કર્યો હતો. તેને ‘ભરતી કાયદો’ નામ આપવામાં આવ્યું છે. આ પ્રસંગે કોંગ્રેસના નેતાઓ રાહુલ ગાંધી અને પ્રિયંકા ગાંધી હાજર રહ્યા હતા. આ પ્રસંગે રાહુલ ગાંધીએ કહ્યું હતું કે, કોંગ્રેસ પાર્ટી આજે અહીં યુથ મેનીફેસ્ટો લાવી રહી છે. તેમણે કહ્યું છે કે પાર્ટીએ આ ઘોષણાપત્રો બનાવવા અને તેમાં તેમની આકાંક્ષાઓ મૂકવા માટે યુપીના યુવાનો સાથે વાત કરી છે. તેમણે કહ્યું હતું કે, પ્રધાનમંત્રીએ કહ્યું હતું કે અમે દેશના યુવાનોને વાર્ષિક બે કરોડ નોકરીઓ આપીશું, પરંતુ દરેક ને ખબર છે કે શું થઈ રહ્યું છે.
પ્રિયંકા ગાંધીએ કહ્યું હતું કે પ્રાથમિક શાળાઓમાં ૧.૫ લાખ શિક્ષકોની ભરતી કરવામાં આવશે. ડોકટરોની 6000 ખાલી જગ્યાઓ ભરવામાં આવશે. ૨૦૦૦૦ આંગણવાડી કાર્યકરોના ભરતી કરવામાં આવશે. તેમણે કહ્યું હતું કે, સંસ્કૃત શિક્ષકો, ઉર્દૂ શિક્ષકો, આશા વગેરેની તમામ ખાલી જગ્યાઓ ભરવામાં આવશે. તમામ પરીક્ષા ફોર્મની ફી માફ કરવામાં આવશે અને પરીક્ષા માટે બસ અને ટ્રેન મુસાફરી મફત રહેશે.
તેમણે કહ્યું કે સારું શિક્ષણ આવશ્યક છે. શિક્ષણનું બજેટ ઘટ્યું છે, તેમાં વધારો કરવામાં આવશે. યુનિવર્સિટીમાં મફત વાઇફાઇ અપગ્રેડેશન થશે. પ્લેસમેન્ટ સેલ હશે. તેમજ કોલેજોમાં ચૂંટણી યોજાશે. હોસ્ટેલમાં સુધારો કરવામાં આવશે. રોજગારીની નવી તકો પૂરી પાડવામાં આવશે. નશો છોડવા માટે કાઉન્સેલિંગ કેમ્પ ગોઠવવામાં આવશે. તેમજ દર વર્ષે યુથ ફેસ્ટિવલ યોજાશે. સ્થાનિક સાંસ્કૃતિકને પ્રોત્સાહન મળશે. રમત-ગમત માટે એકેડેમી ખોલવામાં આવશે.
 |
 |
 |
સાર્થક પ્રકાશન દ્વારા પ્રકાશિત પ્રશાંત દયાળનાં ત્રણ યાદગાર પુસ્તકો
૧. લતીફઃ દારૂબંધીનું અર્થકારણ, કોમવાદનું રાજકારણ (કિંમતઃ રૂ.૧૧૦)
૨. જીવતી વારતા (કિંમત રૂ.૧૫૦)
૩. ૨૦૦૨ : રમખાણોનું અધૂરું સત્ય (કિંમત રૂ. ૧૫૦)
પુસ્તકો મેળવવાનું સ્થળઃ બુકશૅલ્ફ, સ્વસ્તિક ચાર રસ્તા, અમદાવાદ
98252 90796 પર ફોન કે વૉટ્સએપ મેસેજ કરીને પણ પુસ્તકો ઘરેબેઠાં મેળવી શકાય છે.
 |  |  |  |
