નવજીવન. ઉત્તર પ્રદેશઃ ઉત્તર પ્રદેશ વિધાનસભા ચૂંટણી પહેલા ભાજપ (ભારતીય જનતા પાર્ટી)એ સપા (સમાજવાદી પાર્ટી)ના સંરક્ષક મુલાયમ સિંહ યાદવના પરિવારમાં જ મોટો ભાગ પાડી દીધો છે. મુલાયમ સિંહ યાદવના નાના પુત્રની વહુ અપર્ણા યાદવ બુધવારે ભાજપમાં ભળી ગઈ છે. યુપી ભાજપના અધ્યક્ષ સ્વતંત્ર દેવ સિંહ, નાયબ મુખ્યમંત્રી કેશવ પ્રસાદ મૌર્ય અને પાર્ટીના મીડિયા વિભાગના પ્રભારી અનિલ બલૂનીની હાજરીમાં તેમણે ભાજપનો ખેસ પહેર્યો છે.
અપર્ણા યાદવ મુલાયમ સિંહ યાદવના નાના પુત્ર અને સપા સુપ્રીમો અખિલેશ યાદવના નાના ભાઈ પ્રતિક યાદવની પત્ની છે. ભાજપે અપર્ણા યાદવના પાર્ટીમાં શામેલ થવાના નિર્ણયનું સ્વાગત કર્યું છે જ્યારે અખિલેશ યાદવની પાર્ટીએ અપર્ણા યાદવને સમજાવવાના ઘણા પ્રયાસો કર્યા પરંતુ તેમાં તેઓ નિષ્ફળ થયા છે. અખિલેશ યાદવે કહ્યું કે અમે સમજાવવાના પ્રયાસ કર્યા હતા, જોકે હવે અપર્ણા યાદવને મારી શુભકામનાઓ છે.
ભાજપમાં જોડાયેલા અર્પણા યાદવે કહ્યું કે, હું હંમેશા વડાપ્રધાન નરેન્દ્ર મોદીથી પ્રેરિત રહી છું. તેણીએ કહ્યું, “હું હવે દેશ માટે વધુ સારું કરવા માંગુ છું. હું હંમેશા ભાજપની યોજનાઓથી ખૂબ પ્રભાવિત રહી છું. હું પાર્ટીમાં મારું શ્રેષ્ઠ આપીશ.”
યુપીના નાયબ મુખ્યમંત્રી કેશવ પ્રસાદ મૌર્યએ કહ્યું, “અમે ભાજપ પરિવારમાં તમારું સ્વાગત કરીએ છીએ. અમને એ કહેતા આનંદ થાય છે કે મુલાયમ સિંહ યાદવની પુત્રવધૂ હોવા છતાં, તેમણે (અપર્ણા) ઘણીવાર ભાજપના કામની પ્રશંસા કરી છે. ”
આ પ્રસંગે નાયબ મુખ્યમંત્રીએ સપા પ્રમુખ અખિલેશ યાદવ પર પણ પ્રહારો કર્યા અને આરોપ લગાવ્યો કે તેઓ પોતાના પરિવારમાં નિષ્ફળ ગયા છે. તેમણે કહ્યું, “અખિલેશ યાદવ માત્ર તેમના પરિવારમાં જ સફળ નથી. તેઓ રાજ્યના મુખ્યમંત્રી તરીકે પણ નિષ્ફળ રહ્યા છે. સાંસદ તરીકે પણ નિષ્ફળ.
છેલ્લા કેટલાક દિવસોથી અપર્ણા ભાજપમાં જોડાશે તેવી અટકળો પણ ચાલી રહી હતી. તેણે અનેક પ્રસંગોએ વડાપ્રધાન નરેન્દ્ર મોદી અને યોગી આદિત્યનાથના વખાણ કર્યા છે.
પછાત જાતિના ઘણા નેતાઓએ પક્ષ છોડ્યા પછી ઉત્તર પ્રદેશમાં ભાજપ માટે આ એક મોટી ચૂંટણીની ચાલ છે. યોગી કેબિનેટમાંથી રાજીનામું આપનારા ત્રણ મંત્રીઓ તાજેતરમાં જ સપામાં જોડાયા હતા.
અપર્ણા યાદવે 2017ની ચૂંટણી લખનૌ કેન્ટ વિધાનસભાથી SPની ટિકિટ પર લડી હતી, પરંતુ તેમને બીજેપીના રીટા બહુગુણા જોશીના હાથે હારનો સામનો કરવો પડ્યો હતો. 2017ની વિધાનસભા ચૂંટણી બાદ પણ અપર્ણા યાદવના ભાજપમાં જોડાવાની અટકળો ચાલી રહી હતી. ત્યારપછી અપર્ણા યાદવ પણ બે વખત મુખ્યમંત્રી યોગી આદિત્યનાથને મળ્યા હતા.
 |
 |
 |
સાર્થક પ્રકાશન દ્વારા પ્રકાશિત પ્રશાંત દયાળનાં ત્રણ યાદગાર પુસ્તકો
૧. લતીફઃ દારૂબંધીનું અર્થકારણ, કોમવાદનું રાજકારણ (કિંમતઃ રૂ.૧૧૦)
૨. જીવતી વારતા (કિંમત રૂ.૧૫૦)
૩. ૨૦૦૨ : રમખાણોનું અધૂરું સત્ય (કિંમત રૂ. ૧૫૦)
પુસ્તકો મેળવવાનું સ્થળઃ બુકશૅલ્ફ, સ્વસ્તિક ચાર રસ્તા, અમદાવાદ
98252 90796 પર ફોન કે વૉટ્સએપ મેસેજ કરીને પણ પુસ્તકો ઘરેબેઠાં મેળવી શકાય છે.
 |  |  |  |
