નવજીવન ન્યૂઝ. ભાવનગરઃ ગુજરાતમાં વિધાનસભાની ચૂંટણી પૂર્ણ થઈ ગઈ છે અને પરિણામો પણ આવી ગયા છે. તેમ છતાં રાજનિતીમાં આક્ષેપ પ્રતિઆક્ષેપોનો દૌર બંધ નથી થતો જણાતો. ચૂંટણી દરમિયાન સતત વિવાદમાં રહેલા આપ (AAP)ના પ્રદેશ અધ્યક્ષ ફરી એકવાર ચર્ચામાં આવ્યા છે. કારણ કે, આજે તેમની ભાવનગર પોલીસ દ્વારા ધરપકડ કરવામાં આવી હોવાનું ખુદ ગોપાલ ઈટાલીયાએ ટ્વિટ કરીને જાણકારી આપી છે.
ભાવનગરમાં ઉમરાળા પોલીસે ગોપાલ ઈટાલિયા સામે લોકોની ધાર્મિક લાગણી દુભાવવા બદલ કલમ 295 હેઠળ ગુનો નોંધ્યો હતો. બે મહિના અગાઉ દ્વારકામાં ભાષણમાં કૃષ્ણ ભગવાન વિશે વાત કરતા રંઘોળાના આહીર સમાજના વ્યક્તિએ પોલીસ ફરિયાદ નોંધાવી હતી. જે કેસમાં પોલીસે તેમની ધરપકડ કરી હતી. ગોપાલ ઇટાલિયાની ધરપકડ બાદ જામીન આપી મુક્ત કરાયા છે.
ગુજરાતમાં વિધાનસભાની ચૂંટણી બાદ ફરી એકવાર ગોપાલ ઈટાલીયાની ધરપકડ કરવામાં આવી છે. તેમણે ટ્વિટ કરીને જાણકારી આપી હતી કે, ગુજરાતની જનતાએ ભ્રષ્ટ ભાજપને આપેલી પૂર્ણ બહુમતીવાળી નવી સરકાર કામે લાગી ગઈ છે. ભાવનગર પોલીસે આજે મારી ધરપકડ કરી છે. ગઈકાલે મારા દાદીનું અવસાન થયું, આખો પરિવાર દુઃખી છે પરંતુ ભાજપે મારી ધરપકડ કરી છે. કદાચ બહુમતી આ કામ માટે મળી ગઈ હશે.
ગોપાલ ઈટાલીયાની ધરપકડ મામલે આપના નેતા ઇસુદાન ગઢવીએ ભાજપ પર કર્યા પ્રહાર કરતા ટ્વિટ કરીને કહ્યુ હતુ કે, બહુ દુઃખની વાત છે! ગોપાલભાઈના દાદીનું અવસાન થયું છે અને ભાજપ પોલીસનો દુરુપયોગ કરી રહી છે! શું આ છે ગુજરાતનું બીજેપી મોડલ? ભાજપ સરકાર ગમે તેટલો જુલમ કરે! અમે લોકો માટે લડતા રહીશું!
સાર્થક પ્રકાશન દ્વારા પ્રકાશિત પ્રશાંત દયાળનાં ચાર યાદગાર પુસ્તકો
- લતીફઃ દારૂબંધીનું અર્થકારણ, કોમવાદનું રાજકારણ (કિંમતઃ રૂ.110)
- જીવતી વારતાઃ સૂતેલી સંવેદનાઓને ઢંઢોળતી સત્યકથાઓ (કિંમતઃ રૂ.150)
- 2002: રમખાણોનું અધૂરું સત્ય (કિંમતઃ રૂ. 150)
- દીવાલઃ અમદાવાદ બોમ્બ બ્લાસ્ટના આરોપીઓએ સાબરમતી જેલમાં આચરેલા સુરંગકાંડ પર આધારિત નવલકથા (કિંમતઃ રૂ. 300)
પુસ્તકો મેળવવાનું સ્થળઃ બુક શેલ્ફ, સ્વસ્તિક ચાર રસ્તા, અમદાવાદ | પુસ્તકો ઘરે બેઠાં મેળવવા માટે ફોન/વોટ્સએપ સંપર્કઃ 98252 90796
 |  |  |  |
| | | |
