નવજીવન ન્યૂઝ. નવી દિલ્હીઃ કેન્દ્રીય રિઝર્વ બેંક ઓફ ઈન્ડિયાએ બુધવારે મૌદ્રિક નીતિ સમીક્ષાના પરિણામો જાહેર કર્યા, આ દરમિયાન નીતિગત દરમાં વધારો કરવામાં આવ્યો, આ દરમિયાન આરબીઆઈના ગવર્નર શક્તિકાંત દાસે કેટલાક નવા ફેરફાર અને નિર્ણયો રાબેતા મુજબ જાહેર કર્યા હતા. આ ક્રમમાં હવે એક નવો ફેરફાર થઇ રહ્યો છે. દેશમાં યુપીઆઈ(UPI) એટલે કે યુનિફાઇડ પેમેન્ટ્સ ઇન્ટરફેસની પહોંચ અને વપરાશમાં વધુ વધારો કરવા માટે, રિઝર્વ બેંક ઓફ ઇન્ડિયાએ હવે ક્રેડિટ કાર્ડને ચુકવણી પ્રણાલી સાથે જોડવાની મંજૂરી આપી છે જે રિયલ ટાઈમમાં ઝડપી ચુકવણીની સુવિધા આપે છે. આ ફીચરથી વધુ લોકો આ એપ્સ દ્વારા પેમેન્ટ કરી શકશે. અત્યાર સુધી યૂઝર્સ પોતાના ડેબિટ કાર્ડને યુપીઆઈ સાથે લિંક કરી શકતા હતા. આનાથી તેઓ તેમની બચત અથવા ચાલુ ખાતાને લિંક કરીને ચુકવણી કરવામાં સક્ષમ થયા.
ગવર્નર શક્તિકાંત દાસે દ્વિમાસિક નાણાંકીય નીતિ સમીક્ષાની વિગતો આપતાં જણાવ્યું હતું કે “ક્રેડિટ કાર્ડને યુપીઆઈ સાથે જોડવાનો પ્રસ્તાવ છે.” તેમણે કહ્યું કે તેની શરૂઆત આરબીઆઈ દ્વારા પ્રમોટ કરવામાં આવેલા નેશનલ પેમેન્ટ્સ કોર્પોરેશન ઓફ ઈન્ડિયા (NPCI) દ્વારા જારી કરવામાં આવેલા રૂપે ક્રેડિટ કાર્ડથી થશે. આ સુવિધા સિસ્ટમના વિકાસ સાથે ઉપલબ્ધ થશે નવી સિસ્ટમથી ગ્રાહકોને યુપીઆઈ પ્લેટફોર્મ દ્વારા ચૂકવણી કરવા માટે વધુ વિકલ્પો અને સુવિધા મળે તેવી અપેક્ષા છે.
યુપીઆઈ દેશમાં ચુકવણીનું એક લોકપ્રિય માધ્યમ બની ગયું છે. આ પ્લેટફોર્મ સાથે લગભગ 26 કરોડ યુઝર્સ અને 5 કરોડ બિઝનેસ જોડાયેલા છે. દાસે કહ્યું કે મે મહિનામાં આ પ્લેટફોર્મ દ્વારા 10.40 લાખ કરોડ રૂપિયાના 594.63 કરોડ ટ્રાન્ઝેક્શન થયા હતા. તેમણે જણાવ્યું હતું કે પ્રીપેઇડ પેમેન્ટ પ્રોડક્ટ્સ (પીપીઆઇ)ના ઉપયોગને વિસ્તૃત કરવાની સુવિધાથી પીપીઆઇને ચુકવણી માટે યુપીઆઇ પેમેન્ટ સિસ્ટમમાં પ્રવેશની સુવિધા મળી છે. સાથે જ આરબીઆઈએ કાર્ડ દ્વારા રિકરિંગ પેમેન્ટની લિમિટ 5000 રૂપિયાથી વધારીને 15 હજાર રૂપિયા કરવાનો પણ પ્રસ્તાવ રાખ્યો છે.
 |
 |
 |
સાર્થક પ્રકાશન દ્વારા પ્રકાશિત પ્રશાંત દયાળનાં ત્રણ યાદગાર પુસ્તકો
૧. લતીફઃ દારૂબંધીનું અર્થકારણ, કોમવાદનું રાજકારણ (કિંમતઃ રૂ.૧૧૦)
૨. જીવતી વારતા (કિંમત રૂ.૧૫૦)
૩. ૨૦૦૨ : રમખાણોનું અધૂરું સત્ય (કિંમત રૂ. ૧૫૦)
પુસ્તકો મેળવવાનું સ્થળઃ બુકશૅલ્ફ, સ્વસ્તિક ચાર રસ્તા, અમદાવાદ
98252 90796 પર ફોન કે વૉટ્સએપ મેસેજ કરીને પણ પુસ્તકો ઘરેબેઠાં મેળવી શકાય છે.
 |  |  |  |
