નવજીવન ન્યૂઝ. ભરૂચ: તાજેતરમાં ઘણા રાજ્યોમાં બોર્ડના પરિણામો જાહેર થઈ રહ્યા છે. આમાંથી કેટલાક બાળકો પોતાની સફળતાનો ઝંડો લહેરાવી રહ્યા છે તો કેટલાક પોતાની નિષ્ફળતાથી નિરાશ છે. આ દુઃખને દૂર કરવા માટે કેટલાકના મનમાં આત્મહત્યા જેવા ખરાબ વિચારો આવવા લાગે છે, પરંતુ પરીક્ષામાં ખરાબ પરિણામ કરિયરના તમામ દરવાજા બંધ થતાં નથી. આનું ઉદાહરણ આપતા ગુજરાતના ભરૂચ જિલ્લાના કલેક્ટર તુષાર સુમેરા છે, જેમની વાર્તા ઘણા લોકો માટે ખૂબ જ પ્રેરણાદાયી સાબિત થઈ શકે છે.
છત્તીસગઢ કેડરના IAS ઓફિસર અવનીશ શરણ દ્વારા 11 જૂને ટ્વિટર પર એક પોસ્ટ શેર કરવામાં આવી હતી.જેમાં ભરુચ કલેક્ટરનો ફોટો અને તેમની ધોરણ 10ની માર્કશીટ શેર કરતાં તેમણે કહ્યું કે, ‘ભરૂચ કલેક્ટર તુષાર સુમેરાએ તેની 10મીની માર્કશીટ શેર કરતી વખતે લખ્યું છે કે તેમને 10માં માત્ર પાસિંગ માર્કસ મળ્યા છે. અંગ્રેજીમાં 100માંથી 35, ગણિતમાં 36 અને વિજ્ઞાનમાં 38 માર્ક્સ મેળવ્યા હતા. આખા ગામમાં જ નહીં પરંતુ તે શાળામાં એવું કહેવામાં આવ્યું હતું કે તેઓ કંઈ કરી શકતા નથી. પરંતુ તુષારે સખત મહેનત અને સમર્પણ સાથે તે સ્થાન હાંસલ કર્યું, જેના પછી બધાના મોં બંધ થઈ ગયા. ધોરણ 10ના માર્કથી તે નક્કી કરી શકાતું નથી કે તમે ભવિષ્યમાં સફળ થશો કે અસફળ. તમને જણાવી દઈએ કે, આ ટ્વીટને 17 હજારથી વધુ લાઈક્સ અને 3 હજાર રીટ્વીટ મળ્યા છે.
भरूच के कलेक्टर तुषार सुमेरा ने अपनी दसवीं की मार्कशीट शेयर करते हुए लिखा है कि उन्हें दसवीं में सिर्फ पासिंग मार्क्स आए थे.
उनके 100 में अंग्रेजी में 35, गणित में 36 और विज्ञान में 38 नंबर आए थे. ना सिर्फ पूरे गांव में बल्कि उस स्कूल में यह कहा गया कि यह कुछ नहीं कर सकते. pic.twitter.com/uzjKtcU02I
— Awanish Sharan (@AwanishSharan) June 11, 2022
ભરૂચ કલેક્ટર તુષાર સુમેરાએ IAS ઓફિસર અવનીશ શરણના આ ટ્વિટનો જવાબ આપતાં રિ-ટ્વીટ કર્યું અને લખ્યું, ‘આભાર સર.’ આ પોસ્ટ પર અનેક યુઝર્સે પ્રતિક્રિયા આપી છે. એક યુઝરે કહ્યું કે પ્રતિભા મહત્વની છે, ડિગ્રી નહીં. અન્ય એક યુઝરે લખ્યું- ક્ષમતા માર્ક, ગ્રેડ કે રેન્ક ભવિષ્ય નક્કી કરતી નથી. જ્યારે અન્ય એક વ્યક્તિએ લખ્યું- જો તમારામાં દ્રઢતા હોય તો કંઈપણ અશક્ય નથી. તમને જણાવી દઈએ કે વડાપ્રધાન નરેન્દ્ર મોદીએ પણ ભરૂચમાં ઉત્કર્ષ પહેલ અભિયાન હેઠળ તુષારના કામના વખાણ કર્યા છે. તુષાર ડી સુમેરા હાલમાં ભરૂચ જિલ્લાના કલેક્ટર તરીકે કાર્યરત છે. વર્ષ 2012માં તેમણે UPSC પરીક્ષા પાસ કરીને IAS ઓફિસર બન્યા હતા. આજે તુષાર અનેક લોકો માટે પ્રેરણાસ્ત્રોત છે.
 |
 |
 |
સાર્થક પ્રકાશન દ્વારા પ્રકાશિત પ્રશાંત દયાળનાં ત્રણ યાદગાર પુસ્તકો
૧. લતીફઃ દારૂબંધીનું અર્થકારણ, કોમવાદનું રાજકારણ (કિંમતઃ રૂ.૧૧૦)
૨. જીવતી વારતા (કિંમત રૂ.૧૫૦)
૩. ૨૦૦૨ : રમખાણોનું અધૂરું સત્ય (કિંમત રૂ. ૧૫૦)
પુસ્તકો મેળવવાનું સ્થળઃ બુકશૅલ્ફ, સ્વસ્તિક ચાર રસ્તા, અમદાવાદ
98252 90796 પર ફોન કે વૉટ્સએપ મેસેજ કરીને પણ પુસ્તકો ઘરેબેઠાં મેળવી શકાય છે.
 |  |  |  |
