નવજીવન ન્યૂઝ.નવી દિલ્હીઃ ભારતીય શટલર પીવી સિંધુએ મહિલા સિંગલ્સની ફાઇનલમાં કેનેડાની શટલર મિશેલ લીને હરાવીને ગોલ્ડ મેડલ જીત્યો હતો. પ્રથમ વખત મહિલા સિંગલ્સમાં સિંધુએ કોમનવેલ્થમાં ગોલ્ડ મેડલ જીતીને અજાયબી કરી હતી. તમને જણાવી દઈએ કે, સિંધુએ શરૂઆતથી જ આક્રમક રમત દેખાડી, જેનો જવાબ વિરોધી શટલરની પાસે નહોતો. પ્રથમ ગેમમાં સિંધુએ મિશેલ લીને 21-15થી હરાવી મેચમાં લીડ મેળવી હતી. સિંધુએ બીજી ગેમ 21-13થી જીતીને ગોલ્ડ મેડલ કબજે કર્યો હતો. સિંધુએ 2-0થી ગેમ જીતીને ઈતિહાસ રચ્યો હતો. તમને જણાવી દઈએ કે આ કોમનવેલ્થ ગેમ્સમાં હવે કુલ 19 ગોલ્ડ મેડલ ભારતના હિસ્સામાં આવ્યા છે અને આ એકંદરે 56મો મેડલ છે.
આ પહેલીવાર છે જ્યારે સિંધુએ મહિલા સિંગલ્સમાં કોમનવેલ્થમાં ગોલ્ડ મેડલ જીતીને અજાયબી કરી છે. આ સિવાય સિંધુએ 2018 કોમનવેલ્થ ગેમ્સની મિક્સ્ડ ટીમ ઈવેન્ટમાં ગોલ્ડ મેડલ જીત્યો હતો, તેણે 2014 કોમનવેલ્થ ગેમ્સમાં મહિલા સિંગલ્સમાં પણ બ્રોન્ઝ મેડલ જીત્યો હતો.
મિશેલ સામે સિંધુની 11 મેચમાં આ નવમી જીત છે. કોમનવેલ્થ ગેમ્સમાં સિંધુનો આ ત્રીજો વ્યક્તિગત મેડલ છે. તેણે 2018 ગોલ્ડ કોસ્ટ ગેમ્સમાં સિલ્વર મેડલ પણ જીત્યો હતો. સિંધુ ચાલુ ગેમ્સમાં સિલ્વર મેડલ વિજેતા ભારતીય મિશ્રિત ટીમનો પણ ભાગ હતી, જે ફાઇનલમાં મલેશિયા સામે હારી ગઈ હતી. ફાઈનલમાં સિંધુના ડાબા પગ પર પટ્ટી બાંધવામાં આવી હતી, જેના કારણે તેના હલનચલન પર અમુક હદ સુધી અસર પડી હતી અને તેની અસર તેના પ્રદર્શન પર પણ પડી હતી.
તેણે મિશેલને કેટલાક પ્રસંગોએ આસાન પોઈન્ટ મેળવવાની તક આપી. સિંધુએ રેલીમાં સારો દેખાવ કર્યો હતો અને તેના ડ્રોપ શોટ પણ જોરદાર હતા. મિશેલે ખૂબ જ સરળ ભૂલો કરી હતી, જેના માટે તેને માર સહન કરવો પડ્યો હતો. બર્મિંગહામ ગેમ્સની બેડમિન્ટન સ્પર્ધામાં ભારતનો આ ચોથો મેડલ છે. આ પહેલા જોડી ટીમના સિલવર મેડલ ઉપરાંત કિદાંબી શ્રીકાંતે પુરુષ એકલ જ્યારે ત્રીશા જોલી અને ગાયત્રી ગોપીચંદની જોડીએ મહિલા યુગલમાં બ્રોન્ઝ મેડલ મેળવ્યા હતા.
 |  |  |  |
