Monday, November 16, 2026
HomeInternationalહવામાનમાં ફેરફાર કે કયામત નજીક?, મક્કામાં રોજેરોજ વરસાદના અહેવાલ, સમાચારમાં 4 હજાર...

હવામાનમાં ફેરફાર કે કયામત નજીક?, મક્કામાં રોજેરોજ વરસાદના અહેવાલ, સમાચારમાં 4 હજાર વર્ષ જૂની વાર્તા

- Advertisement -

Rain falling in Mecca has astonished the world : આ લગભગ ચાર હજાર વર્ષ પહેલાની વાત છે. સાઉદી અરેબિયાના મક્કાના ઉજ્જડ રણમાં પયગંબર ઇસ્માઇલ તરસથી પીડાતા હતા અને તેમની માતા, બીબી હાજરા, તથા પુત્રની તરસ છીપાવવા માટે પાણીની શોધમાં સફા-મરવા ટેકરીઓ પર ચક્કર લગાવ્યા હતા. તેમના બાળકને તરસથી પીડાતા જોઈને બીબી હાજરા ખૂબ જ દુઃખી થઈ ગયા અને સાત વખત ટેકરીઓ પર ચક્કર લગાવ્યા હતા. આ તે સમય હતો જ્યારે મક્કાની ચારેય બાજુ સહરાના રણથી ઘેરાયેલું હતું. વરસાદ લગભગ અસ્તિત્વમાં નહોતો, અને દુષ્કાળ વર્ષો સુધી ચાલતો હતો. આજે સમય બદલાઈ ગયો છે. આજકાલ મક્કામાં દરરોજ વરસાદના અહેવાલો આવી રહ્યા છે.

સાઉદી પ્રેસ એજન્સી (SPA) અનુસાર 14 નવેમ્બર શનિવારના રોજ મક્કાના અનેક વિસ્તારોમાં હળવાથી મધ્યમ વરસાદ પડ્યો હતો. અલ-બાહા પ્રદેશના અલ-અકીક, અલ-કુરા, અલ-મંડક અને બાની હસન ગવર્નરેટના કેટલાક ભાગોમાં વાવાઝોડા સાથે હળવાથી મધ્યમ વરસાદ પડ્યો હતો. ધોધમાર વરસાદને કારણે અનેક ખીણો અને નાળાઓમાં પાણી ભરાઈ ગયા હતા. મક્કામાં ભારે વરસાદ અને વાવાઝોડાથી સંપૂર્ણપણે દ્રશ્ય બદલાઈ ગયું હતું. આ સમયે લોકો મસ્જિદ અલ-હરમમાં પ્રાર્થના કરી રહ્યા હતા.

- Advertisement -

ધોધમાર વરસાદથી પવિત્ર શહેર મક્કાના અનેક વિસ્તારોમાં અસર થઈ છે. જનરલ ડિરેક્ટોરેટ ઓફ સિવિલ ડિફેન્સે લોકોને સલામત સ્થળોએ રહેવા, પૂરના પાણીનાથી બચવા અને ખીણો અથવા પૂરગ્રસ્ત વિસ્તારોમાં તરવાનું ટાળવા વિનંતી કરી છે.

રાષ્ટ્રીય હવામાન કેન્દ્ર અનુસાર સાઉદી અરેબિયામાં નવેમ્બર 2026 અને જાન્યુઆરી 2027 વચ્ચે સરેરાશથી વધુ વરસાદ પડવાની સંભાવના (Possibility of above-average rainfall in Saudi Arabia) છે. જેના કારણે કેટલાક વિસ્તારોમાં ખૂબ જ ભારે વરસાદ પડી શકે છે. સમગ્ર દેશમાં તાપમાન સામાન્યથી ઉપર રહેવાની પણ અપેક્ષા છે.

NCM ની મોસમી આબોહવા આગાહી અનુસાર, ઘણા વિસ્તારોમાં મધ્યમથી અત્યંત ભારે વરસાદ પડી શકે છે, ખાસ કરીને નવેમ્બર દરમિયાન. વધુમાં, આ ત્રણ મહિના દરમિયાન સરેરાશ સપાટીનું તાપમાન મોસમી સામાન્ય સ્તરથી ઉપર રહેવાની અપેક્ષા છે.

Follow on Social Media

LEAVE A REPLY

Please enter your comment!
Please enter your name here

RELATED ARTICLES
- Advertisment -

Most Popular