Mehsana Kadi police station constable caught taking bribe : ગાંધીનગર એસીબી પોલીસ સ્ટેશનની ટીમે મહેસાણાના કડી પોલીસ સ્ટેશનના એક કોન્સ્ટેબલને 80 હજાર રૂપિયાની લાંચ લેતા ઝડપ્યો છે. કડી પોલીસ સ્ટેશન (Kadi Police Station) માં ફરજ બજાવતા કોન્સ્ટેબલે 30 કિલોમીટર દૂર આવેલા લાંઘણજ પોલીસ સ્ટેશનમાં થયેલી એક અરજીની પતાવટ પેટે લાંચ માગી હતી. ધરપકડ કરાયેલા કોન્સ્ટેબલ અમીનહુસેન શેખ પાસેથી લાંચની રકમ કબજે લીધા બાદ અન્ય ACB Team એ તપાસ આરંભી છે અને કોન્સ્ટેબલના તાર કોની સાથે જોડાયેલા છે અને કોના કહેવાથી લાંચ માગી હતી તેની તપાસ શરૂ થઈ ગઈ છે.
મહેસાણા જિલ્લામાં આવેલા લાંઘણજ પોલીસ સ્ટેશન (Langhanj Police Station) ની હદમાં આવેલી એક મિલકત વેચાણના મામલે અરજી થઈ હતી. ગૌચરની જગ્યામાં બનેલું મકાન અન્ય ધર્મના લોકોએ ખરીદતા ત્રાહિત શખસે લાંઘણજ પોલીસને એક અરજી આપી હતી. આ અરજીની તપાસમાં પતાવટ કરી આપવાનું કામ કડી પોલીસ સ્ટેશનમાં ફરજ બજાવતા કોન્સ્ટેબલ અમીનહુસેન મંજૂરહુસેન શેખે લીધું હતું. કોન્સ્ટેબલ અમીન શેખે કેસ પતાવી આપવા પેટે શરૂઆતમાં 2 લાખ રૂપિયાની માગ કરી હતી, પરંતુ રકઝકના અંતે 80 હજાર રૂપિયા નક્કી થયા હતા. આ મામલે એસીબી ગાંધીનગર પોલીસ સ્ટેશન (Gandhinagar ACB Police Station) ને ફરિયાદ મળતા તેમની ટીમે છટકાનું આયોજન કર્યું હતું. કોન્સ્ટેબલ અમીન શેખ ઈરાણા ત્રણ રસ્તાથી કડી તરફ જવાના રોડ પર લાંચ લેવા આવ્યો હતો. અમીન શેખે 80 હજારની લાંચ સ્વીકારતા તેને ACBની ટીમે રંગે હાથ ઝડપી લીધો હતો.
 |  |  |  |
