નવજીવન ન્યૂઝ નેટવર્ક.ચીનઃ પાંચમા માળની બારીમાંથી પડી ગયેલી એક નાની છોકરીને પકડ્યા બાદ લોકો તેને હીરો કહીને તેની પ્રશંસા કરી રહ્યા છે. મેટ્રો અનુસાર, ચીન (China) ના ઝેજિયાંગ પ્રાંતના ટોંગજિયાંગમાં એક ચોંકાવનારી ઘટના બની છે. શેન ડોંગ (Shen Dong) નામનો એક વ્યક્તિ તેની કાર રસ્તા પર પાર્ક કરી રહ્યો હતો ત્યારે તેણે બે વર્ષની બાળકીને આટલી ઊંચાઈએથી પડી રહેલી જોઈ. તેનો એક વીડિયો ટ્વિટર પર 68 હજારથી વધુ વખત જોવામાં આવ્યો હતો, જે હવે ઓનલાઈન વાયરલ થઈ રહ્યો છે.
મેટ્રો (Metro) અનુસાર, શેન ડોંગ જ્યારે તેની કાર શેરીમાં પાર્ક કરી રહ્યો હતો ત્યારે તેણે જોરદાર ધડાકો સાંભળ્યો. ખરેખર, છોકરી ચોથા માળેથી પડીને સ્ટીલની છત પર પડી હતી. તે પછી તે નીચે પડી અને ડોંગ દ્વારા ચમત્કારિક રીતે પકડવામાં આવી, જે તેને પેવમેન્ટ પર પડતા બચાવવા માટે છેલ્લી ઘડીએ દોડ્યો હતો. વાયરલ થઈ રહેલા આ વીડિયોને ચીનના સરકારી અધિકારી (Chinese government official) લિજિયન ઝાઓએ ટ્વિટર પર શેર કર્યો છે.
પોસ્ટ સાથેના કેપ્શનમાં લખ્યું છે, “આપણી વચ્ચેના હીરો.”
લોકોએ શેન ડોંગને હીરો ગણાવ્યા અને ટિપ્પણી વિભાગમાં તેની ખુબ પ્રશંસા કરી. એક યુઝરે લખ્યું, “ફક્ત ફિલ્મોમાં જ નહીં, દુનિયામાં પણ રિયલ હીરો છે.” અન્ય યુઝરે ટિપ્પણી કરી, “લેજન્ડ! આ વ્યક્તિને પ્રમોશન અને મેડલ આપો.”
સાઉથ ચાઈના મોર્નિંગ પોસ્ટ અનુસાર, અકસ્માત દરમિયાન છોકરીને પગ અને ફેફસામાં ઈજા થઈ હતી, પરંતુ હવે તે હોસ્પિટલમાં છે અને તેની હાલત સ્થિર છે.
 |  |  |  |
