નવજીવન ન્યૂઝ.નવી દિલ્હીઃ મહિલા સેના અધિકારીઓ કર્નલ(Colonel) સોફીયા કુરૈશી અને વિંગ કમાન્ડર વ્યોમિકા સિંહ પર અમર્યાદિત ટિપ્પણી કરવા મામલે અશોક યુનિવર્સિટીના એસોસિએટ પ્રોફેસર અલી ખાન મહમૂદાબાદને સુપ્રીમ કોર્ટથી વચગાળાના જામીન મળી ગયા છે. મહમૂદાબાદે કર્નલ(Colonel) કુરૈશી અને વિંગ કમાન્ડર વ્યોમિકા સિંહની મીડિયા બ્રીફિંગને દેખાડો કહેવામાં આવ્યો હતો. સાથે જ જણાવ્યું હતું કે, દેખાડાને જમીની હકીકતમાં બદલવો પડશે, નહીં તો તે ફક્ત પાખંડ છે.
હરિયાણાના અશોક યુનિવર્સિટીમાં એસોસિએટ પ્રોફેસર અને રાજનીતિ વિજ્ઞાન વિભાગના પ્રમુખ અલી ખાન મહમૂદાબાદને મહિલા સેના અધિકારીઓ કર્નલ(Colonel) કુરૈશી અને વિંગ કમાન્ડર વ્યોમિકા સિંહ પર વિવાદિત ટિપ્પણી કરવા બદલ સુપ્રીમ કોર્ટે વચગાળાના જામીન આપી દીધા છે. સુપ્રીમ કોર્ટે મહમૂદાબાદને સીજેએમ, સોનીપતની સંતુષ્ટિ માટે જામીન બોન્ડ ભરવા માટે કહેવામાં આવ્યું છે. સાથે સાથે અલી ખાન મહમૂદાબાદને નિર્દેશ આપ્યો છે કે તેઓ તેમના બંને પોસ્ટ સાથે સંબંધિત કોઈ પણ ઓનલાઈન લેખ લખવા કે કોઈ ઑનલાઈન ભાષણ આપશે નહીં, જે તપાસના વિષય છે. સાથે જ સુપ્રીમ કોર્ટએ તેમને ભારતીય ધરતી પર આતંકવાદી હુમલાઓ અથવા આપણા રાષ્ટ્ર દ્વારા કરવામાં આવેલી જવાબી પ્રતિક્રિયા વિશે કોઈ રીતે ટિપ્પણી કરવાની મનાઈ કરી છે. સુપ્રીમ કોર્ટે આદેશ આપ્યો છે કે તેમણે પોતાનું પાસપોર્ટ જમા કરવું પડશે.
એની સાથે સુપ્રીમ કોર્ટે ત્રણ IPS અધિકારીઓ વાળી એક SIT ની રચના કરવાનો પણ આદેશ આપ્યો છે. આ સમિતિમાં એક મહિલા અધિકારી પણ શામેલ થશે, જો તે રાજ્યની બહારથી હશે. સુપ્રીમ કોર્ટે સૂચના આપી કે 24 કલાકના સમયગાળામાં SIT ની રચના કરવી, એસોસિએટ પ્રોફેસર કાર્યવાહીમાં શામેલ થશે અને કાર્યવાહીમાં પૂરો સહયોગ આપશે.
આપને જણાવી દઈએ કે આ પહેલા મહિલા સેના અધિકારીઓ પર અયોગ્ય ટિપ્પણીઓ કરવા અંગે અશોકા વિશ્વવિદ્યાલયના એસોસિએટ પ્રોફેસર અલી ખાન મહમૂદાબાદને 27 મે સુધી જ્યુડિશિયલ કસ્ટડીમાં મોકલવામાં આવ્યા હતા. રિમાન્ડ સમય પૂર્ણ થયા બાદ પોલીસે પ્રોફેસરને JMIC આજાદસિંહની કોર્ટમાં રજૂ કર્યા. પોલીસે પ્રોફેસર માટે સાત દિવસના રિમાન્ડની માંગણી કરી, પરંતુ કોર્ટએ આ માગને ફગાવી દીધી. અદાલતે પોલીસને 60 દિવસમાં કેસનું ચલણ રજૂ કરવાનો હુકમ આપ્યો હતો. આ દરમિયાન પોલીસે દલીલ કરી હતી કે પ્રો. અલી પાસેથી જપ્ત થયેલું લેપટોપ અને મોબાઈલ ડેટા રિકવર કર્યા બાદ તેની તપાસ કરવી છે. પાસપોર્ટ અને ખાતાઓની લેવડ દેવડની તપાસ પણ કરવાની છે. દલીલો સાંભળ્યા પછી પણ કોર્ટે પોલીસની રિમાન્ડની અરજીને રદ્દ કરી દીધી હતી. કોર્ટએ કહ્યું, જો પોલીસને લાગે છે કે રિમાન્ડની જરૂર છે, તો તે નવેસરથી અરજ પત્ર દાખલ કરે.
હરિયાણા રાજ્ય મહિલા પંચે પણ પ્રોફેસરને મોકલી નોટિસ
હરિયાણા રાજ્ય મહિલા કમિશનના અધ્યક્ષ રેણુ ભાટિયાએ તાજેતરમાં એસોસિએટ પ્રોફેસરને નોટિસ મોકલાવીને તેમની ટિપ્પણીઓ પર સવાલ ઉઠાવ્યો હતો. જોકે મહમૂદાબાદે કહ્યું હતું કે, તેમની ટિપ્પણીઓને ખોટી સમજવામાં આવી છે. તેમણે અભિવ્યક્તિની સ્વતંત્રતાના તેમના મૂળભૂત અધિકારનો ઉપયોગ કર્યો છે. રાજ્યના ડીજીપીને 16 મેને લખાયેલા પત્રમાં HSCW એ પ્રથમ દ્રષ્ટા સાક્ષ્ય અને ઉદાહરણના આધારે મહમૂદાબાદ સામે FIR પણ કરવામાં આવી હતી.
આ કલમો હેઠળ FIR નોંધવામાં આવી હતી
પોલીસએ જણાવ્યું છે કે, પંચના પ્રમુખની ફરિયાદ પર અશોકા યુનિવર્સિટીના પ્રોફેસર અલી સામે BNS કલમ 152 (ભારતની સંપ્રભુતા અથવા એકતા અને અખંડિતતાને ખતરામાં મૂકવાવાળા કૃત્ય 353 (જાહેર મજાક કરનાર નિવેદન), 79 (કોઈ મહિલાની ગરીમાને ઠેસ પહોંચાડવા માટે જાણી જોઇને કરવામાં આવેલી કાર્યવાહી) અને 196 (1) (ધર્મના આધારે વિવિધ જૂથોમાં શત્રુતાને વધારવી)ના આધારે FIRની નોંઘણી કરી. આ બઘી કલમો બીન જામીનપાત્ર છે.
એસોસિએટ પ્રોફેસરે શું કહ્યું હતું?
એસોસિએટ પ્રોફેસર અલી મહમૂદાબાદે કહ્યું હતું કે કર્નલ સોફિયા કુરૈશીની પ્રશંસા કરતા દક્ષિણપંથી લોકોને ટોળાની તરફથી કરવામાં આવેલી હત્યાઓ અને સંપત્તિઓને મનમાની રીતે પાડી દેવાના પીડિતોના માટે સુરક્ષાની માગ કરવી જોઈએ. મહમૂદાબાદે કર્નલ કુરૈશી અને વિંગ કમાન્ડર વ્યોમિકા સિંહની મીડિયા બ્રીફિંગને દેખાડો કહ્યો હતો. સાથે જ તેમણે કહ્યું હતું કે, દેખાડાને જમીની હકીકતમાં ફેરવવું પડશે, નહીંતર આ ફક્ત પાખંડ છે.
કમિશને કરી હતી આ ફરિયાદો
કમિશને ફરિયાદમાં કહ્યું હતું કે મહમૂદાબાદની ટિપ્પણીઓમાં કર્નલ કુરૈશી અને વિંગ કમાન્ડર વ્યોમિકા સિંહ સહિતના વર્દિધારક મહિલાઓનું અપમાન કરીને ભારતીય સશસ્ત્ર દળોમાં વ્યાવસાયિક અધિકારીઓ તરીકેની તેમની ભૂમિકાને ઓછી આંકવાની પ્રવૃત્તિ દેખાય છે. કમિશનનો આરોપ છે કે, એસોસિએટ પ્રોફેસરનું સોશિયલ મીડિયા પોસ્ટ એવી ભાષાથી સમાવાયું છે, જે પહેલી નજરે કેટલાક લોકો પાસે સહાનુભૂતિપૂર્ણ લાગે છે, પરંતુ ધ્યાનપૂર્વક વાંચ્યા પછી તેમાં એવા શબ્દો છે, જે વર્તમાન ભૂ-રાજનીતિક પરિદ્રશ્ય અને ઘરેલુ સુરક્ષા અને શાંતિ સંબંધિત ચિંતાઓની નજરે સંપૂર્ણ રીતે અન્યાયપૂર્ણ છે.
પ્રશાંત દયાળનાં સાત યાદગાર પુસ્તકો
- અક્ષરધામ – ત્રાસવાદી હુમલો, પોલીસ-તપાસ અને અદાલતી કાર્યવાહી વિશેની કડીબદ્ધ વિગતો (કિંમતઃ રૂ.200)
- લતીફઃ દારૂબંધીનું અર્થકારણ, કોમવાદનું રાજકારણ (કિંમતઃ રૂ.140)
- જીવતી વારતાઃ સૂતેલી સંવેદનાઓને ઢંઢોળતી સત્યકથાઓ (કિંમતઃ રૂ.150)
- 2002: રમખાણોનું અધૂરું સત્ય (કિંમતઃ રૂ. 200)
- શતરંજ : ક્રાઇમ થ્રિલર નવલકથા(કિંમતઃ રૂ. 500)
- દીવાલ : સાબરમતી જેલ સુરંગકાંડની સત્યઘટનાને સ્પર્શતી નવલકથા (કિંમતઃ રૂ. 300)
- નાદાન : એક કેદીના જીવનની સત્યઘટનાઓ ઉપર આધારિત નવલકથા(કિંમતઃ રૂ. 300)
પુસ્તકો મેળવવાનું સ્થળઃ બુક શેલ્ફ, સ્વસ્તિક ચાર રસ્તા, અમદાવાદ | પુસ્તકો ઘરે બેઠાં મેળવવા માટે ફોન/વોટ્સએપ સંપર્કઃ 98252 90796
 |  |  |  |
