નવજીવન. નવી દિલ્હીઃ પંજાબમાં શિયાળાની મોસમ નજીક આવી રહી છે ત્યારે પાકિસ્તાન તરફથી ભારતમાં ઘુસણખોરી અને હેરોઇનની તસ્કરી વધી રહી છે. તસ્કરો તેમની ગુનાહિત પ્રવૃત્તિઓ કરવા માટે ધુમ્મસનો લાભ લે છે. બીએસએફને ફિરોઝપુર સેક્ટરમાં પાકિસ્તાનથી આવેલુ ડ્રોન પાડી દેવામાં સફળતા મળી છે. ડ્રોનને પડ્યા બાદ આ વિસ્તારમાં સર્ચ ઓપરેશન ચાલુ છે, આશંકા છે કે ડ્રોન હેરોઇન અથવા શસ્ત્રોનો જથ્થો ફેંકીને પાછું ફરી રહ્યું છે. પંજાબમાં આ પહેલી વાર છે જ્યારે પાકિસ્તાનનું ડ્રોન ક્રેશ કરવામાં સફળતા મળી છે.
અહેવાલો અનુસાર, બોર્ડર સિક્યોરિટી ફોર્સ બટાલિયન 103ના કર્મચારીઓ રાત્રે 11 વાગ્યાની આસપાસ અમરકોટ વિસ્તારમાં પેટ્રોલિંગ પર હતા. તેઓએ બીઓપી વો નજીક ડ્રોનનો અવાજ સાંભળ્યો. સરહદ સુરક્ષા દળની પેટ્રોલિંગ ટીમે અવાજને નિશાન બનાવવાનું શરૂ કર્યું. દરમિયાન તેમને ડ્રોન પડવાનો અહેસાસ થયો હતો, જે પછી જવાનોએ તે જ સમયે આ વિસ્તારમાં સર્ચ ઓપરેશન શરૂ કર્યું હતું. આ ડ્રોન સરહદથી ભારત તરફ ૩૦૦ મીટર દૂર પડ્યુ હતું. આ સ્થળ સરહદ પર સ્થાપિત ફેન્સીંગની નજીક હતુ. એવી આશંકા છે કે ડ્રોન ડ્રગ્સ અથવા શસ્ત્રો ફેંકીને પાછું ફરી રહ્યું હતું ત્યારબાદ આસપાસના વિસ્તારમાં સર્ચ ઓપરેશન ચાલી રહ્યું છે.
માહિતી અનુસાર, મળી આવેલુ ડ્રોન ચાઇના મેડ છે. કાળા ડ્રોન પર કાળા પટ્ટા મૂકવામાં આવ્યા હતા જેથી તેની પરની લાઇટો અંધારામાં ન જોઈ શકાય. 6 પાંખોવાળો ડ્રોન લગભગ 5 ફૂટ પહોળુ છે, જે એક જગ્યાએથી બીજી જગ્યાએ 8થી 10 કિલોગ્રામ ભાર વહન કરી શકે છે.
આ પહેલા બીએસએફે શુક્રવારે બોર્ડર પરથી 130 કરોડ રૂપિયાનું હેરોઇન જપ્ત કર્યું હતું. ગાઢ ધુમ્મસનો લાભ લઈને પાક તસ્કરો હેરોઇનના પેકેટ ફેંકવા માટે ભારતીય સરહદે દોડી આવ્યા હતા. તેમની પ્રવૃત્તિઓનો અંદાજ લગાવ્યા બાદ સવારે સ્થળ પર વિશેષ શોધ કામગીરી શરૂ કરવામાં આવી હતી. બીએસએફને 26 કિલો 700 ગ્રામ વજનના હેરોઇનના લગભગ 25 પેકેટ મળ્યા છે. આંતરરાષ્ટ્રીય બજારમાં હેરોઇનની કિંમત 130 કરોડ રૂપિયા હોવાનું કહેવાય છે. આ ઘટના બીએસએફના બીઓપી (ચોકી) મોઝમ ફોરવર્ડ નજીક બની હતી.
ગુપ્તચર સૂત્રોના જણાવ્યા અનુસાર બીએસએફ બટાલિયન-66ના જવાનો સરહદની વાડ પર તેમજ ગુરુવારે રાત્રે ગાઢ ધુમ્મસમાં પેટ્રોલિંગ કરી રહ્યા હતા. ગાઢ અંધારામાં વાડ પર પાક તસ્કરોની હિલચાલ તેમને લાગી. શુક્રવારે સવારે બીએસએફના જવાનો દ્વારા તેમના વરિષ્ઠ અધિકારીઓની આગેવાની હેઠળ આ વિસ્તારમાં સર્ચ ઓપરેશન શરૂ કરવામાં આવ્યું હતું. ઉલ્લેખનીય છે કે, શિયાળાની ઋતુનું પહેલું ધુમ્મસ ગુરુવારે હતું. બંને દેશોના તસ્કરો ધુમ્મસની રાહ જોઈ રહ્યા હતા. આ ધુમ્મસની આડમાં જ પાક તસ્કરો હેરોઇન પહોંચાડવા આવ્યા હતા.
તમામ તાજી ખબરો માટે Navajivan ફેસબૂકપેજને લાઈક કરો
સાર્થક પ્રકાશન દ્વારા પ્રકાશિત પ્રશાંત દયાળનાં ત્રણ યાદગાર પુસ્તકો
૧. લતીફઃ દારૂબંધીનું અર્થકારણ, કોમવાદનું રાજકારણ (કિંમતઃ રૂ.૧૧૦)
૨. જીવતી વારતા (કિંમત રૂ.૧૫૦)
૩. ૨૦૦૨ : રમખાણોનું અધૂરું સત્ય (કિંમત રૂ. ૧૫૦)
પુસ્તકો મેળવવાનું સ્થળઃ બુકશૅલ્ફ, સ્વસ્તિક ચાર રસ્તા, અમદાવાદ
98252 90796 પર ફોન કે વૉટ્સએપ મેસેજ કરીને પણ પુસ્તકો ઘરેબેઠાં મેળવી શકાય છે.
 |  |  |  |
