નવજીવન.વોશિંગ્ટન: વિશ્વના મોટાભાગના દેશો કોરોના સામે યુદ્ધ લડી રહ્યા છે. ચેપને રોકવા માટે રસીકરણની કામગીરી પૂરજોશમાં ચાલી રહી છે. આ બધા વચ્ચે યુએસ ફૂડ એન્ડ ડ્રગ એડમિનિસ્ટ્રેશન (FDA) એ બુધવારે મોટો નિર્ણય લીધો છે. FDA એ કોરોના સામે રક્ષણ આપવા માટે 12 વર્ષ અને તેથી વધુ ઉંમરના ઉચ્ચ જોખમ ધરાવતા લોકોની સારવાર માટે Pfizer ની કોવિડ પિલને મંજૂરી આપી છે. એફડીએના વૈજ્ઞાનિક પેટ્રિઝિયા કેવાઝોનીએ જણાવ્યું હતું કે આ દવા મોં દ્વારા લેવાની છે. આ દવા કોરોના સામેની લડાઈમાં કારગર સાબિત થશે.
ફાઈઝરની આ દવાને પેક્સલોવિડ કહેવામાં આવે છે. આ દવાનું 2200 લોકો પર પરીક્ષણ કરવામાં આવ્યું હતું. જોખમ ધરાવતા લોકોમાં દવા હોસ્પિટલમાં દાખલ થવા અને મૃત્યુના જોખમને 88 ટકા ઘટાડી શકે છે. ફાઈઝરની સારવાર અગાઉ યુરોપિયન યુનિયનમાં અધિકૃત છે.
યુએસએ પહેલાથી જ દવાના 10 મિલિયન કોર્સ માટે ચૂકવણી કરી છે. તમને જણાવી દઈએ કે કોરોનાના નવા વેરિઅન્ટ ઓમિક્રોનના અમેરિકામાં પણ ઘણા કેસ સામે આવ્યા છે, જેને લઈને તકેદારી રાખવામાં આવી રહી છે. તે જ સમયે, મર્ક દ્વારા વિકસિત બીજી કોવિડ ગોળી પણ લોકોની સારવાર માટે આવી રહી છે. તે પાંચ દિવસ માટે પણ લેવામાં આવે છે અને આ ગોળીએ કોરોનાના ઉચ્ચ જોખમવાળા લોકોમાં જોખમ 30 ટકા ઓછું કર્યું છે.
 |
 |
 |
સાર્થક પ્રકાશન દ્વારા પ્રકાશિત પ્રશાંત દયાળનાં ત્રણ યાદગાર પુસ્તકો
૧. લતીફઃ દારૂબંધીનું અર્થકારણ, કોમવાદનું રાજકારણ (કિંમતઃ રૂ.૧૧૦)
૨. જીવતી વારતા (કિંમત રૂ.૧૫૦)
૩. ૨૦૦૨ : રમખાણોનું અધૂરું સત્ય (કિંમત રૂ. ૧૫૦)
પુસ્તકો મેળવવાનું સ્થળઃ બુકશૅલ્ફ, સ્વસ્તિક ચાર રસ્તા, અમદાવાદ
98252 90796 પર ફોન કે વૉટ્સએપ મેસેજ કરીને પણ પુસ્તકો ઘરેબેઠાં મેળવી શકાય છે.
 |  |  |  |
