નવજીવન ન્યૂઝ. લખનૌઃ લખીમપુર ખેરી કેસના મુખ્ય આરોપી આશિષ મિશ્રાને અલ્હાબાદ હાઇકોર્ટની લખનઉ બેન્ચે જામીન આપી દીધા છે. આશિષ મિશ્રા કેન્દ્રીય મંત્રી અજય મિશ્રા ટેનીના પુત્ર છે. આશિષ મિશ્રાના વકીલના જણાવ્યા અનુસાર અલ્હાબાદ હાઈકોર્ટે તેમને જામીન આપ્યા છે. ઉલ્લેખનીય છે કે આશિષ મિશ્રા પર આરોપ છે કે તેમણે 3 ઓક્ટોબરે ત્રણ વિવાદાસ્પદ કૃષિ કાયદાઓ વિરુદ્ધ વિરોધ માર્ચ દરમિયાન લખીમપુર ખીરીમાં ચાર ખેડૂતો અને એક પત્રકારને કારથી કચડી નાખ્યા હતા. થોડા દિવસ પછી તેમની ધરપકડ કરવામાં આવી હતી. જણાવી દઈએ કે યુપીમાં પહેલા તબક્કાનું મતદાન ચાલી રહ્યું છે ત્યારે આ નિર્ણય આવ્યો છે. યુપીમાં સાત તબક્કામાં મતદાન થશે, જ્યારે લખીમપુર ખેરીમાં ચોથા તબક્કામાં મતદાન થશે.
જણાવી દઈએ કે લખીમપુર ખેરી કેસમાં દાખલ કરવામાં આવેલી પહેલી ચાર્જશીટમાં કેન્દ્રીય ગૃહ રાજ્યમંત્રીના પુત્રને આરોપી બનાવવામાં આવ્યો હતો. યુપી પોલીસે ઘટનાના બીજા દિવસે આશિષ મિશ્રા અને અન્ય 12 લોકોના નામ હત્યાના આરોપી તરીકે એફઆઈઆર નોંધી હતી, પરંતુ સુપ્રીમ કોર્ટના ઠપકા બાદ એક અઠવાડિયા બાદ કેન્દ્રીય મંત્રીના પુત્રની ધરપકડ કરવામાં આવી હતી.
આ કેસની તપાસ કરી રહેલી ઉત્તર પ્રદેશ પોલીસની સ્પેશિયલ ઇન્વેસ્ટિગેશન ટીમે આ મહિનાની શરૂઆતમાં સ્થાનિક કોર્ટમાં 5,000 પાનાની પ્રથમ ચાર્જશીટ દાખલ કરી હતી. આ સમય દરમિયાન સ્પેશિયલ ઈન્વેસ્ટિગેશન ટીમ ચાર્જશીટના હજારો પાના લઈને લખીમપુર ખેરીની ચીફ જ્યુડિશિયલ મેજિસ્ટ્રેટની કોર્ટમાં પહોંચી હતી. એ પાનાં એક મોટા બોક્સમાં હતાં, જેમાં બે તાળાં હતાં. આ ઘટનામાં કુલ આઠ લોકોના મોત થયા છે.
 |
 |
 |
સાર્થક પ્રકાશન દ્વારા પ્રકાશિત પ્રશાંત દયાળનાં ત્રણ યાદગાર પુસ્તકો
૧. લતીફઃ દારૂબંધીનું અર્થકારણ, કોમવાદનું રાજકારણ (કિંમતઃ રૂ.૧૧૦)
૨. જીવતી વારતા (કિંમત રૂ.૧૫૦)
૩. ૨૦૦૨ : રમખાણોનું અધૂરું સત્ય (કિંમત રૂ. ૧૫૦)
પુસ્તકો મેળવવાનું સ્થળઃ બુકશૅલ્ફ, સ્વસ્તિક ચાર રસ્તા, અમદાવાદ
98252 90796 પર ફોન કે વૉટ્સએપ મેસેજ કરીને પણ પુસ્તકો ઘરેબેઠાં મેળવી શકાય છે.
 |  |  |  |
