સુરતમાં કોર્પોરેશનના ગાર્ડનનો લોખંડનો દરવાજો તૂટી પડતા એક બાળકનું મોત, બે ઘાયલ

સુરતના પર્વત ગામ વિસ્તારમાં આવેલા મ્યુનિસિપલ કોર્પોરેશન સંચાલિત ગાર્ડનો લોખંડનો દરવાજો તૂટી પડતાં ત્યાં રમી રહેલા બાળક તેની નીચે આવી ગયા હતા. જેથી આર્યન સંજય સુવલિયા (ઉંમર 3 વર્ષ)નું મોત થયું હતું. જ્યારે અન્ય બે બાળકોને ઇજાઓ થતાં હોસ્પિટલમાં સારવાર માટે ખસેડવામાં આવ્યા.

પોલીસ તપાસમાં જાણવા મળ્યું છે કે આર્યના માતા-પિતા મજૂરી કામ માટે મધ્ય પ્રદેશથી સુરત આવ્યા હતા. ગાર્ડન નજીક માતાપિતા મજૂરી કામ કરતા હતા આ દરમિયાન ગાર્ડનના ગેટ પાસે રમતા બાળકો પર લોખંડનો ગેટ તૂટી પડ્યો હતો. પરિવારે આ મામલે કાયદેસરની કાર્યવાહીની માંગણી કરી છે.

Follow on Social Media