નવજીવન ન્યૂઝ.નવી દિલ્હીઃ દિલ્હીના ઉપ રાજ્યપાલ વી. કે સક્સેનાએ મુખ્યમંત્રી અરવિંદ કેજરીવાલ અને તેમના મંત્રિઓ પર બે ઓક્ટોબરે મહાત્મા ગાંધી અને પૂર્વ પ્રધાનમંત્રી લાલ બહાદુર શાસ્ત્રીની જયંતી પર આયોજીત કાર્યક્રમ પ્રતિ ‘અસમ્માન’ પ્રગટ કરવાનો આરોપ લગાવ્યો છે. તે જ સમયે, આમ આદમી પાર્ટી (AAP) એ લેફ્ટનન્ટ ગવર્નરના આરોપો પર પલટવાર કર્યો છે. પાર્ટી તરફથી કહેવામાં આવ્યું છે કે કેજરીવાલ રાજ્યની વિધાનસભા ચૂંટણી માટે ગુજરાતમાં પ્રચાર કરી રહ્યા હોવાથી તે કાર્યક્રમોમાં હાજરી આપી શક્યા ન હતા. સાથે જ લેફ્ટનન્ટ ગવર્નર પર વડાપ્રધાન નરેન્દ્ર મોદીના ઈશારે કામ કરવાનો પણ આરોપ લગાવ્યો છે અને કહ્યું છે કે લેફ્ટનન્ટ ગવર્નરે આવુ વડાપ્રધાનના નિર્દેશ પર કર્યું છે.
સક્સેનાએ રવિવારે રાજઘાટ અને વિજય ઘાટ પર કેજરીવાલ અને દિલ્હીના અન્ય મંત્રીઓની ગેરહાજરીને “અસ્વીકાર્ય” ગણાવી હતી. કેજરીવાલને લખેલા પત્રમાં લેફ્ટનન્ટ ગવર્નરે કહ્યું કે રાષ્ટ્રપતિ દ્રૌપદી મુર્મુ, ઉપરાષ્ટ્રપતિ જગદીપ ધનખર, પીએમ મોદી અને ભારતમાં વિદેશી પ્રતિનિધિઓ હાજર હતા. પરંતુ બંને સ્મારકોમાં ન તો મુખ્યમંત્રી કે તેમના કોઈ મંત્રી હાજર રહ્યા ન હતા.
ત્યાં જ આપએ એક નિવેદનમાં કહ્યું કે કેજરીવાલ પાછળ ઘણા વર્ષોમાં હંમેશા ગાંધી જયંતી અને લાલ બહાદુર શાસ્ત્રી જયંતીના કાર્યક્રમમાં શામેલ થયા છે. મુખ્યમંત્રી તે દિવસ ગુજરાતમાં હતા અને તેથી તે કાર્યક્રમમાં શામેલ થઈ શક્યા ન હતા. ઉપરાજ્યપાલના પત્રના કારણને સમજવા મહત્વપૂર્ણ છે. બે દિવસ પહેલા જ અમદાવાદમાં પ્રધાનમંત્રીના કાર્યક્રમમાં ખુરશીઓ ખાલી હતી. ત્યાં મુખ્યમંત્રીએ ગુજરાતના એક આદિવાસી વિસ્તારમાં એક વિશાળ રેલીને સંબોધિત કરી હતી. પ્રધાનમંત્રી ગુસ્સામાં છે. આ પત્ર ઉપરાજ્યપાલના પ્રધાનમંત્રીના નિર્દેશ પર લખાયો છે.
આ મામલે દિલ્હી બીજેપી અધ્યક્ષ આદેશ ગુપ્તાએ આરોપ લગાવ્યો કે કેજરીવાલને રંગ બદલવાની જૂની આદત છે.
(અહેવાલ આભાર સહઃ એનડીટીવી)
 |  |  |  |
