નવજીવન ન્યૂઝ.અમદાવાદઃ ગુજરાતની મેડિકલ શિક્ષણ ફી રેગ્યુલેટરી કમિટી (FRC) દ્વારા 2024-25 માટે મેડિકલ, ડેન્ટલ, આયુર્વેદિક અને હોમિયોપેથીક કોલેજોની ફી જાહેર કરવામાં આવી છે. ખાસ કરીને MBBS અભ્યાસક્રમ માટે માત્ર એક વર્ષની જ ફી જાહેર કરાઈ છે, જ્યારે અન્ય કોર્સ માટે ત્રણ વર્ષની ફી નક્કી કરાઈ છે. અને તેમાં પણ અમદાવાદની કોર્પોરેશન સંચાલિત નરેન્દ્ર મોદી મેડિકલ કોલેજની મેનેજમેન્ટ ક્વૉટાની ફી તો તમામ કરતા સૌથી વધારે ફી વધારો કરાયો છે. ઉલ્લેખનીય છે કે અત્યાર સુધી આમ પણ શિક્ષણ મોંઘું જ છે, શાળાથી લઈને કોલેજ સુધી તો પેરેન્ટ્સના જીંદગી ભરના સેવિંગ્સની મોટી કટકી તો માત્ર એજ્યુકેશન પાછળ જ થઈ જાય છે, તે પછી કાંઈ વધ્યું હોય તો બીજું આરોગ્ય અને પારિવારિક પ્રસંગોમાં.
ગુજરાતમાં ડૉક્ટર બનવાનું સપનું જોઈ રહેલા વિદ્યાર્થીઓ માટે મોટી અને માઠી ખબર સામે આવી છે. રાજ્યની ખાનગી મેડિકલ કોલેજોમાં હવે ભણતર માટે લાખો રૂપિયા ચૂકવવા પડશે. ફી રેગ્યુલેટરી કમિટી (FRC) એ રાજ્યની 19 ખાનગી મેડિકલ કોલેજોમાં 8થી 12 ટકાનો ફી વધારો મંજૂર કર્યો છે, જેના કારણે મધ્યમ અને ગરીબ વર્ગના વિદ્યાર્થીઓ માટે મેડિકલ અભ્યાસ હાથ ધરવો મુશ્કેલ બની રહ્યો છે. જોકે ના માત્ર આ વધારાને કારણે પરંતુ
ચુકવવાપાત્ર ફી આટલી વધી ગઈ છે કે હવે સરકારી ક્વૉટામાં પણ વાર્ષિક ફી ₹8.30 લાખથી વધીને ₹11.20 લાખ થઈ ગઈ છે, જયારે મેનેજમેન્ટ ક્વોટામાં આ ફી ₹18.19 લાખથી વધીને ₹25.76 લાખ થઈ ગઈ છે. ખાસ કરીને અમદાવાદની નરેન્દ્ર મોદી મેડિકલ કોલેજ (AMC સંચાલિત) માં સૌથી વધુ ફી વધારો નોંધાયો છે, જ્યાં મેનેજમેન્ટ ક્વોટાની ફી હવે ₹25.76 લાખ થઈ છે.
FRC દ્વારા ફી વધારો આગામી બે વર્ષ માટે મંજૂર કરવામાં આવ્યો છે. ફી વધારો કરવા પાછળ મોંઘવારી દરનો ઉલ્લેખ કરાયો છે, પરંતુ દર વર્ષે થતાં 10 ટકાના અંદાજિત વધારાથી એવું અનુમાન લગાવી શકાય છે કે આવતા કેટલાક વર્ષોમાં મેનેજમેન્ટ ક્વોટાની ફી ₹30 લાખ સુધી પહોંચી શકે છે.
રાજ્યમાં હાલ માત્ર 6 સંપૂર્ણ સરકારી મેડિકલ કોલેજો છે જેમાં કુલ 1400 બેઠકો છે, જયારે 13 અર્ધસરકારી (GMERS) કોલેજો અને 20 ખાનગી મેડિકલ કોલેજો કાર્યરત છે. માત્ર એક કોલેજ સિલવાસામાં કેન્દ્ર સરકારની છે. આમ બહુમતી વિદ્યાર્થીઓને ખાનગી અને GMERS જેવી અર્ધસરકારી કોલેજો તરફ દોરાવું પડે છે, જ્યાં ફી આખરે લાખોમાં હોય છે.
સરકારી કોલેજમાં ફી માત્ર ₹25,000 જેટલી હોય છે પરંતુ મર્યાદિત બેઠકોને કારણે તેમાં પ્રવેશ મેળવવો બધા વિદ્યાર્થીઓ માટે સંભવ થતો નથી. પરિણામે ગરીબ અને મધ્યમ વર્ગના એવા વિદ્યાર્થીઓ જે આ શાળાઓમાં ના દાખલો લઈ શકે તેમને મેડિકલ અભ્યાસ માટે લોન લેવા કે, અભ્યાસ છોડવાનો વિચાર કરવો પડે છે. આવી તોતિંગ ફી પાછળ શિક્ષણનો વ્યાપાર હોય તેવું લાગણીજનક તાત્પર્ય ઊભું થઈ રહ્યું છે.
તથ્ય સંક્ષેપ:
19 ખાનગી મેડિકલ કોલેજોએ ફીમાં 8-12% વધારો કર્યો
મેનેજમેન્ટ ક્વોટાની ફી ₹25.76 લાખ સુધી પહોંચી
સરકારી ક્વોટાની ફી ₹11.20 લાખ થઈ
GMERS અને ખાનગી કોલેજોમાં દર વર્ષે 10% ફી વધારો થઈ રહ્યો
સરકારી કોલેજમાં ફક્ત 1400 બેઠકો, જ્યારે માંગ ઘણી વધુ.
વિદ્યાર્થીઓ અને વાલીઓમાં આ તાજેતરના ફી વધારા વિરુદ્ધ નારાજગી વ્યાપી રહી છે અને મધ્યમ વર્ગ માટે મેડિકલ અભ્યાસ હાથ પરથી નીકળી જવાની ભીતિ જોવાઈ રહી છે. આ તોતિંગ ફીના આંકડા આપણે ત્યાં કોઈને કોઈની આખી જીંદગીની કમાણી હોય છે.
 |  |  |  |
