નવજીવન ન્યૂઝ. નવી દિલ્હી: ઉત્તર પ્રદેશમાં હિંસાના આરોપીઓની સંપત્તિ બુલડોઝર વડે તોડી પાડવાના મામલામાં યુપી સરકારે તોડફોડને કાયદેસર ગણાવી છે અને કહ્યું છે કે તોડફોડની કાર્યવાહી નિયમો અનુસાર કરવામાં આવી છે. સુપ્રીમ કોર્ટમાં દાખલ કરવામાં આવેલા સોગંદનામામાં કહેવામાં આવ્યું છે કે, તોડી પાડવું એ ગેરકાયદેસર બાંધકામ સામેની નિયમિત પ્રક્રિયાનો એક ભાગ છે. જમિયત તોડફોડને રમખાણો સાથે જોડી રહી છે, નોટિસો ઘણા સમય પહેલા આપવામાં આવી હતી.
યુપી સરકારે કહ્યું કે તોફાનીઓ વિરુદ્ધ અલગ કાયદા હેઠળ કાર્યવાહી કરવામાં આવી રહી છે. જમિયત પર દંડ લાદીને અરજી ફગાવી દેવી જોઈએ. પ્રયાગરાજમાં જાવેદ મોહમ્મદના ઘર સામે કાર્યવાહી પૂરતી તક આપીને કરવામાં આવી, તેને રમખાણો સાથે કોઈ લેવાદેવા નથી, કાયદાની યોગ્ય પ્રક્રિયાને અનુસરવામાં આવી હતી. યુપી સરકારનો આરોપ છે કે અરજીકર્તા ખોટો આરોપ લગાવી રહ્યા છે કે એક સમુદાયને નિશાન બનાવવામાં આવી રહ્યો છે. અસરગ્રસ્ત પક્ષકારોમાંથી કોઈ પણ કોર્ટ સમક્ષ હાજર નથી. નિયમ મુજબ કાર્યવાહી કરવામાં આવી છે. જમીયત ઉલેમા-એ-હિંદ દ્વારા યુપી સરકાર પર લગાવવામાં આવેલા આરોપો ખોટા અને પાયાવિહોણા છે. સરકારે કહ્યું કે આ કેસમાં કોઈ અસરગ્રસ્ત પક્ષ કોર્ટમાં આવ્યો નથી.
તેથી, જમિયત ઉલેમા-એ-હિંદની અરજીને ફગાવી દેવાની માંગ કરવામાં આવી હતી.
ઉત્તર પ્રદેશના વિશેષ સચિવ ગૃહ રાકેશ કુમાર માલપાનીએ સુપ્રીમ કોર્ટમાં પુરાવા સાથે 63 પાનાનું સોગંદનામું દાખલ કર્યું છે. સોગંદનામાની સાથે જાવેદ અહેમદના ઘરે રાજકીય પક્ષના સાઈન બોર્ડ સહિતની તમામ બાબતો કોર્ટમાં મોકલી દેવામાં આવી છે. સોગંદનામામાં કહેવામાં આવ્યું છે કે ગેરકાયદેસર રીતે બાંધવામાં આવેલી મિલકતને બુલડોઝર દ્વારા તોડી પાડવામાં આવી છે. આ પ્રક્રિયા લાંબા સમયથી ચાલી રહી છે. તેથી આ આરોપો ખોટા છે કે સરકાર અને પ્રશાસન હિંસાના આરોપીઓ પાસેથી બદલો લઈ રહ્યા છે. 16 જૂનના રોજ સુપ્રીમ કોર્ટે જમીયત ઉલેમા-એ-હિંદ દ્વારા દાખલ કરવામાં આવેલી અરજી પર ઉત્તર પ્રદેશ સરકારને નોટિસ જારી કરીને તેનો જવાબ માંગ્યો હતો. ત્યારે SCએ કહ્યું કે તોડફોડ કાયદા મુજબ થવી જોઈએ, પ્રતિશોધનો કોઈ ઉપાય હોઈ શકે નહીં.
 |
 |
 |
સાર્થક પ્રકાશન દ્વારા પ્રકાશિત પ્રશાંત દયાળનાં ત્રણ યાદગાર પુસ્તકો
૧. લતીફઃ દારૂબંધીનું અર્થકારણ, કોમવાદનું રાજકારણ (કિંમતઃ રૂ.૧૧૦)
૨. જીવતી વારતા (કિંમત રૂ.૧૫૦)
૩. ૨૦૦૨ : રમખાણોનું અધૂરું સત્ય (કિંમત રૂ. ૧૫૦)
પુસ્તકો મેળવવાનું સ્થળઃ બુકશૅલ્ફ, સ્વસ્તિક ચાર રસ્તા, અમદાવાદ
98252 90796 પર ફોન કે વૉટ્સએપ મેસેજ કરીને પણ પુસ્તકો ઘરેબેઠાં મેળવી શકાય છે.
 |  |  |  |
