નવજીવન ન્યૂઝ. પંજાબ: એસબીએસ નગર પોલીસે ગુજરાતમાંથી આવી રહેલી એક ટ્રકના ટૂલબોક્સમાં છુપાવેલુ 38 કિલો હેરોઈન કબજે કર્યા બાદ પંજાબ પોલીસે રવિવારે વધુ એક સફળતા હાંસલ કરી હતી, એમ પોલીસ મહાનિર્દેશક (પંજાબ) ગૌરવ યાદવે અહીં જણાવ્યું હતું. DGPએ જણાવ્યું હતું કે પોલીસે કુલવિંદર રામ ઉર્ફે કિંડા તરીકે ઓળખાયેલા ટ્રક ડ્રાઈવર અને તેના સાથી બિટ્ટુ સહિત બે લોકોની ધરપકડ કરી છે, જે બંને એસબીએસ નગરના બાલાચૌરના રહેવાસી છે, ઉપરાંત રક્કા ધાહાનના રાજેશ કુમાર ઉર્ફે સોનુ ખત્રી અને સોમ તરીકે ઓળખાતા બે ડ્રગ સ્મગલરની પણ ધરપકડ કરવામાં આવી છે. પોલીસે રજીસ્ટ્રેશન નંબર PB 04 V 6366 ધરાવતી ટ્રક પણ જપ્ત કરી છે.
એસબીએસ નગરમાં એક પત્રકાર પરિષદને સંબોધતા, આઈજીપી લુધિયાણા રેન્જ સુરિન્દર પાલ સિંહ પરમારે SSP એસબીએસ નગર ભગીરથ મીણા સાથે જણાવ્યું હતું કે પોલીસને ગુપ્ત માહિતી મળી હતી કે રાજેશ કુમાર તરીકે ઓળખાતો એક ડ્રગ સ્મગલર તેના સાથીઓ સોમનાથ બિક્કા, કુલવિંદર કિંડા અને બિટ્ટુ સાથે છે. ટ્રક મારફત અન્ય રાજ્યોમાંથી ડ્રગ લાવીને પંજાબના વિવિધ વિસ્તારોમાં મોટા પ્રમાણમાં હેરોઈનનો જથ્થો સપ્લાય કરવાનો ધંધો કરે છે.
આ માહિતી બાદ, પોલીસે તાત્કાલિક નવાશહેર સિટી પોલીસ સ્ટેશનમાં એફઆઈઆર નોંધી હતી, તેમણે ઉમેર્યું કે, રણજીત સિંહ PPS અને SI સુરિન્દર સિંઘની દેખરેખ હેઠળ SBS નગરમાં મહાલોન બાયપાસ પર ખાસ નાકાબંધી હાથ ધરવામાં આવી હતી.
“નાકાબંધી દરમિયાન જ્યારે પોલીસ પાર્ટીએ ટ્રકને રોકવાનો સંકેત આપ્યો, ત્યારે ટ્રક ચાલક કુલવિંદર કિંડાએ ભાગવાનો પ્રયાસ કર્યો, પરંતુ પોલીસ પાર્ટીએ તેને અને બિટ્ટુને પકડવામાં સફળતા મેળવી અને તાડપત્રીમાં લપેટીને ટ્રકના ટૂલબોક્સમાં છુપાવેલું 38 કિલો હેરોઈનનું પેકેટ કબજે કર્યું હતું.
SSP ભગીરથ મીણાએ જણાવ્યું હતું કે પ્રાથમિક પૂછપરછ દરમિયાન આરોપી ટ્રક ડ્રાઈવર કુલવિંદર કિંડાએ ખુલાસો કર્યો હતો કે તેને રાજેશ કુમારનો ટેલિગ્રામ એપ દ્વારા કોલ આવ્યો હતો, જેણે તેને હેરોઈન લેવા અને પંજાબ લાવવા માટે ગુજરાતના ભુજમાં ચોક્કસ સ્થાન આપ્યું હતું. આરોપીએ વધુમાં જણાવ્યું કે જ્યારે તે સ્થળ પર પહોંચ્યો ત્યારે એક અજાણ્યો વ્યક્તિ આવ્યો અને તેની ટ્રકમાં ડ્રગ લોડ કરી ગયો.
તેમણે કહ્યું કે કુલવિંદર કિંડાએ એ પણ ખુલાસો કર્યો હતો કે અગાઉ રાજેશ કુમારની સૂચના પર તે જાન્યુઆરી મહિનામાં શ્રીનગર ઉરીથી 10 કિલો અને પછી 20 કિલો હેરોઈનના બે કન્સાઈનમેન્ટ લાવ્યો હતો, આ ઉપરાંત આ વર્ષે દિલ્હીથી 1 કિલો હેરોઈન લાવ્યો હતો.
 |  |  |  |
