નવજીવન ન્યૂઝ.નવી દિલ્હીઃ હરિયાણાના ગુરુગ્રામમાં એક કાર્યક્રમ દરમિયાન મુખ્ય આર્થિક સલાહકાર (સીઈએ) અનંત નાગેશ્વરએ કહ્યું કે ભારત કોરોનાના પ્રકોપથી બહાર આવી રહ્યું છે. અર્થવ્યવસ્થાના દરેક માપદંડ અને ગતિવિધિઓ પૂર્વ કોરોના સ્તરને પાર કરી ચુકી છે. તેમણે કહ્યું કે આપણે વર્ષ 2027 સુધીમાં પાંચ ટ્રિલિયન ડોલરની જીડીપી વાળો દેશ બની જશે.
નાગેશ્વરન અહીં હરિયાણા ઇન્સ્ટિટ્યૂટ ઑફ પબ્લિક એડમિનિસ્ટ્રેશનમાં ‘ભારતીય અર્થતંત્રઃ પ્રોસ્પેક્ટસ, ચેલેન્જ એન્ડ એક્શન પોઈન્ટ’ વિષય પર બોલી રહ્યા હતા. તેમણે કહ્યું કે કોરોનામાંથી બહાર આવવા માટે, સરકારે નીતિ સ્તરે ઘણા સકારાત્મક પગલાં લીધાં, જેમાં ભારતીય રિઝર્વ બેંકે સંપૂર્ણ સમર્થન આપ્યું. મુખ્ય સલાહકારે કહ્યું કે ભારતીય અર્થવ્યવસ્થા વિશ્વના અન્ય વિકસિત અને વિકાસશીલ દેશો કરતાં દરેક રીતે મજબૂત છે. તેમણે કહ્યું કે વિકસિત વિશ્વ નીચા ફુગાવાથી ઉચ્ચ ફુગાવા તરફ આગળ વધી રહ્યું છે અને આવા સમયે આપણે ફુગાવાના દબાણને નિયંત્રણમાં રાખવામાં સફળ રહ્યા છીએ.
સીઈએએ આશા વ્યક્ત કરી કે ઈન્ટરનેશનલ મોનેટરી ફંડ (આઈએમએફ)ના અનુમાન મુજબ, વર્ષ 2027 સુધીમાં ભારત પાંચ ટ્રિલિયન ડોલરની જીડીપી ધરાવતો દેશ બની જશે. નાગેશ્વરને જણાવ્યું હતું કે આજે, આપણી પાસે ખાનગી રોકાણનું મજબૂત પુનરુત્થાન છે અને દેશે વિદેશી મુદ્રા ભંડારનું લક્ષ્ય રાખ્યું છે. ભારતમાં છેલ્લા કેટલાક વર્ષો દરમિયાન ડિજિટલ પેમેન્ટની સંખ્યામાં વધારો એ સંકેત છે કે દેશ ઝડપથી બદલાઈ રહ્યો છે.
 |  |  |
સાર્થક પ્રકાશન દ્વારા પ્રકાશિત પ્રશાંત દયાળનાં ત્રણ યાદગાર પુસ્તકો
૧. લતીફઃ દારૂબંધીનું અર્થકારણ, કોમવાદનું રાજકારણ (કિંમતઃ રૂ.૧૧૦)
૨. જીવતી વારતા (કિંમત રૂ.૧૫૦)
૩. ૨૦૦૨ : રમખાણોનું અધૂરું સત્ય (કિંમત રૂ. ૧૫૦)
પુસ્તકો મેળવવાનું સ્થળઃ બુકશૅલ્ફ, સ્વસ્તિક ચાર રસ્તા, અમદાવાદ
98252 90796 પર ફોન કે વૉટ્સએપ મેસેજ કરીને પણ પુસ્તકો ઘરેબેઠાં મેળવી શકાય છે.
